$^^=^-^ الشـــــــــــابوره ^-^=^^$

[المطرفي]

قصيده ارجو ان تنال اعجابكم ،،


الليلة اللي قمرها ساطعاً نوره
يضفي على الأرض نوراً كنه الشاشي
في مجلساً للنشامى كثرة حضوره
من بينهم ما توحى كلمة الواشي
واليا انشدوا شايباً قد اقفت عصوره
ليا هرج ما يجيب ادنات ما ناشي
قالوا علومك نبيها حيث مشهوره
عجل وعطنى علوماً تبري الجاشي
ترى لك عنا غياباً عدة شهوره
ترى الجماعة على مارودك عطاشي
سولف علوم الذهب ما هي بمدفوره
ثم قال هذي علومي وردت كاشي
اما علوم المطر فالأرض ممطوره
والله يدفع لها من واحداً ناشي
والارض عقب المطر بالخير مذكوره
وذكر الحياة في الجزيرة عدها الماشي
هذا هوايه ربيع القلب وسروره
لوح السوالف من العًقال يعتاشي
والقلب مثنى بعد ما هيض شعوره
لاشاف جلسة نشامى تنشد الشاشي
هذي مناتي وكلاً يقنعه شوره
لاني من اللي ورى العربان معتاشي
ابخير والحال والاحوال مستوره
في مجلساً لي على مركاي وفراشي
لو ما اتعشى عشايا غير شابوره
اخير من وجبة ٍ عند العرب حاشي

[الساااااري]

صح لسانك يا المطرفي على القصيدة الرائعه

[المطرفي]

الشكر لك ياعبيد على مرورك ، وعلى فكره القصيده لمرير بن عبدالمحسن الحبيل

الشاعر الرائع ,,,


تحياتي