المساعد الشخصي الرقمي

مشاهدة النسخة كاملة : Oo انا مابي مهر منك ولاشبكه ولافستانOo


نور النور
0 06th July 2008, 06:0:30 PM
تمنيتك علي تقبل .. أشوفك مبتسم فرحان
وأشوف أهلك يغنوا لك ولدروبي يزفونك ..


وتزيد بقلبي نبضاته ويحمر وجهي الخجلان
ويرعش جسمي بقدومك وأقول امشي على هونك ..


واملاك السما تحفك بنور الرازق المنان
عليك اسم الله يالغالي وعمت عين اللي يحسدونك ..


تسابق لجلي خطواتك تجيني محترق لهفان
وأحط يدي على قلبي واقوله جاك مفتونك ..


وتفتح طرحتي بيدك وأتوه بسحرك الفتان
ياعمري والله خجلانة وميته بنظرة عيونك ..



يريحني كلامك لي ياما حلا ليلة العرسان
وتعاهدني بتوفي لي وأعاهدك أني ما أخونك ..


مضى عمري وأنا احلم وأظم طيوفه بالأحضان
واسأل ليلى يا ليلى شسويتي بمجنونك ..


تحقق نصف حلمي بك وشفتك مقبل وفرحان
وشفت اهلك يغنوا لك.....وللحلوة يزفونك ..


خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك ..


فضحني صوت شهقاتي ورجيت الواحد الديان
يخليها ويقدرني أضمّد جرحي من دونــــــــك ..


أشوف شلون تضحك لك وقلبي يشتعل نيران
دعيت الله يهنيها معاك وتجلي شجونك ..
وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك ..


غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك ..


وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك ..


يقولون ادفني ذكراه وانسي اللي خان
قسم بالله ما انساك ولو هالكون ينسونك ..


تروف بحالتي سارة وتحلف والله هو خسران
يواسوني رفيقاتي يقولن كلنـــا عونــــك ..


كبيرة بعين كل ربعي أموت وعزي ماينهان
كذا تخليني أصغرهم مع فلانة يلقونك ..


أنا مابي مهر منك ولا شبكة ولا فستان
طموحي احتضن حزنك وازين بالهنا كونك ..


أبيك تكون لي وحدي بديره مابها سكان
تنومني بوسط عينك وتلحف جسمي بجفونك ..


غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك ..


وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..


(مزن )ضميتها وبليت شعرها بمدمعي الهتان
ياعمري خلو الخالة وعساهم ما يخلونـــــــك ..

يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك ..


أسفه والله أسفه مكتوب أهيم بسكة الأحزان
ومكتوب تلقى بنت ناس تعيش بدالي في كونك ..


ياشين اللحظة ذي والله تمنيت ألبس الأكفان
وأشوف الظلمة في قبري ولا بغيري يهنونك ..


يبين ارجوووك خذ روحي ونادو يا هلي الدفّان
ابيك تحس بجروحي.. وبتابوتي يمرونك ..


أبيك تشيل تابوتي على كتفك يغصن الـ بان
وتعرف قدري بموتي وتدمع لجلي عيونك ..

بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني ..


فراق أهلي وزواجك موت ، ودمعك موتي الثاني
خلاص ارحمني لاتبكي دخيل الله على شاني ..


زماني مارحم ضعفي هزم حسي وتحداني
عهد في قبري ما نساك تعال وزورني عاني ..


تعال خلني بحس إنك علي ولهـــــــــــان
وبفــــــــــرح وانا في وســـــــط تربـانــــــي..



منقول

moonshadow
0 06th July 2008, 07:0:46 PM
وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..

كلمات مؤثرة جدا نور النور
وأشوف الدعاء له بالسعاده ومحاولة نسيانه افضل من البكاء على الأطلال الآن
مشكوووووووورة

ريـــانة الغصن
0 07th July 2008, 03:0:20 PM
ما أعذب الحب,,,

وما أقسى ألا يبادلنا الحبيب المشاعر التي نكنها له في أعماقنا,,,

يضرب الحب شو بيذل!!

و بالمقابل,,,

إللي باعك بيعه,,,

وإزا هو قدر ع نسيانك

أنت كمان تقدر ع نسيانه!!

صح؟؟؟

نور النور
0 18th July 2008, 06:0:45 PM
وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..

كلمات مؤثرة جدا نور النور
وأشوف الدعاء له بالسعاده ومحاولة نسيانه افضل من البكاء على الأطلال الآن
مشكوووووووورة

العفو

ومشكووووووووووره ع الطله

نور النور
0 18th July 2008, 06:0:39 PM
ما أعذب الحب,,,

وما أقسى ألا يبادلنا الحبيب المشاعر التي نكنها له في أعماقنا,,,

يضرب الحب شو بيذل!!

و بالمقابل,,,

إللي باعك بيعه,,,

وإزا هو قدر ع نسيانك

أنت كمان تقدر ع نسيانه!!

صح؟؟؟

من وجهة نظري صعب نسيان شخص تحبه

حتى لو هذا الشخص نساني

لازم راح تجيني ولو لحظه اتذكره

ومشكوووووووووووره ع الطله

واسعدني تواجدك

المحارب10
0 19th July 2008, 10:0:26 PM
سلمت على النقل اختي الكريمة نور النور

ابيات رائعة

كل الود

نور النور
0 20th July 2008, 11:0:29 PM
الله يسلمك اخوي المحارب

عاش من شافك

والاروع طلتك