المساعد الشخصي الرقمي

مشاهدة النسخة كاملة : عبدالله دبلول ابن مكه الاصيل


بنت جرول
0 01st March 2009, 02:0:49 PM
[frame="3 80"][font=Times New Roman][align=center]
راح اقدم لكم ثلاثه من اشعاره ان شاء الله تعجبكم

[COLOR="red"]اهل مكه

أهل مكة
أهل معروف
أهل الخيرأهل مكه
أهل سيمه
أهل قيمه
ناس كُمَّل
أهل مكَّه
ومع كل تعتيمه
الناس تحلَّي
بأهل مكه
حماة البيت وجيرانو
شجرالحب وأغصانو
كده هُمَّا وكده كانو
والميدان فرسانو
أهل مكه
ناس عاليه الهمَّه
ناس تحفظ الذمه
ولا مية الف كلمه
ماتوفِّي أهل مكه
ومين شكُّو الزمان شكَّه
أوحالو مال أو تكَّى
لايتعب ولا يشيل هم
دوغري يروح لأهل مكه
أهل الحبا .. وأهل الجبا
وأهل القلوب الطيبه
أهل الشهامه والكرم
وأهل كلمة مرحبا
وميزه تكون مكَّاوي
ميزه تكون هنا اتربيت
في ضل الرحمه جنب البيت
تفرج في الحرم همَّك
تصفي بزمزمو دمَّك
يابختك إنت مكه
في أزقتها القديمه لعبت
حرامي عسَّى لما تعبت
وكبت ولاري وعزيزه
من الهجله لحد الجميزه
رمضان طول الليل سامر
من النقا حتى شعب عامر
في طرهً وزنه وكبوش
وطبعاً مافاتك جوش
مادام إنك مكاوي
مكاوي
يعني إبن حاره أصيل
مكاوي
وطبعي حلو وجميل
مكَّاوي أنا وللحجي دليل
وافتخر إني
مكَّاوي

زقاق بيتنا

نسمة حلوة جات في بالي
يا زقاق بيتنا القديم
نعنشت بستان خيالي
بريحة النبك و النيم
لما كنا صغار و دقة
و كانت حالتنا طينة
و نحن نلعب في الأزقة
و لا أحد يسأل علينا
هادا قرصتو بقه
و عمال تهرشلو أمينة
و هادا في جيبوا بقعة زرقة
واصلة لحد الفنيلة
و هادا ماسك أم طقة
يسئلها نروح المدينة
و دا ماشي و في توبو قلقه
و كائنوا كان جالس في كينة
و دا يلحس حمر في ورقة
و البحر خلا طحينة
و دا يلف في مرقة
و فمه شغال زي الماكينة
و دا شايل على راسه شقة
يخبزها لخالة حسينة
و هادا متشعبط في سقا
سألوا متى رايح تجينا
و دا عمال يحنجل على عمره ابن الذين
قال بيلعبلي بربر تقول في رجلو غرغرينة
و عيال عمال تزعق
يا مطرة حطي علينا
و حمرة من الروشان تبربر
اكنتم عساك القرينة
و دول في لعبة أودام
و دول في استوات المقادم
و دا شبر مات البراطم
و مسوي شوطة و ازعرينه
و دول في طبيش الأعمى
و هادا يجري ورا الكلاب
و دا في البازار يستحما
حتى ما تشوف امه الهباب
و دا يغبا يقلبها ظلمة
يحرش مين يكش التراب
و دا مسوي صياح و رجة
و دا كب دقيق حجة
و هادا بيسبسب في كنجة
مع أنه زي الغراب
و هادا بيلعب برجون
و هادا جاب بالكورة قول
و هادا خوف من العيون
لبسوه أهل حجاب
و دا ماسكله جنط
يجرى ورا بحديدة
و عمال ينقز و ينط
و شبب و فردة و فريدة
و دول في طيري طار
و دول ينطوا فوق أشبار
و دا راكب فوق جريدة
قال مسويها حمار
و دا بيطقطق أقر
و هادا بياكول لنقطة
و هادا بيغمس في شرش
و الحكاية ملخبطة
و هادا من قوة بطر يبغى ياكل لغمطة
و شيبة زورو انشقر
سيب يا واد الشعبطة
كنت تشوف الحكاوي
و اللي يمشوي السقاوي
ياكل كل يوم علقة
عشان يطلع شقاوي
اشتقت يا زقاقنا لجارك
لكل مين دعساك و زارك
اشتقت للوزك الهندي
اتشعبطلو أشجارك
و هادي نسمة خفيفة
من حياة حلوة و لطيفة
صورة من الماضي الكريم
في زقاق بيتنا القديم
[فقط الأعضاء المسجلين والمفعلين يمكنهم رؤية الوصلات]

اهل اول

أهل أول.. أهل أول..
يافل ياكادي ياكمل ..
ياأهل الأدب والزوق وعشت وبقيت ومجمل..
ياأهل الطيبة والرقة..
والهرجة المتبتبة الدقة..
ورب البيت وحشتوني من التاجر إلى السقا..
وحشني حتى فرقنا ..
بهنداسته وبكشة قماش..
وعم شاكر في دكانه بالفوطة وقميصه الشاش..
وحشتني حلاوة اللدو..
والبركة إللي في يده..
وحشتني الكحلة في عيونه ..
وحوا .. والصبي عبده..
وحشني كل مافيكم..
ياناس حتى أساميكم
ياليت ترجعلنا الأيام وأسلم على أياديكم...
وأشم ريحة الرضا فيها..
وأشياء ماأقدر أسميها..
حاجة كدة ترد الروح .. صعب أوصف معانيها..
أهل أول !
ليسا المستكة في توبي..
تفحفح ريحته تهلي..
وفي السيارة في كم قرش..تشخلل صوتها يسلي..
وبنت أصباعها مدبق بتلحس في قدر ططلي ..
وشيبة فارش المصنف في وسط الليل بيصلي..
وحجة في الزقاق بتقول .. لاتشيلوا قمامة..
واللي يصلح الدافور عمال ينظف المامها
وباسم الطرف في الدهليز ..وكم ليانة ومنجد..
وواحد شحط جاله النوم على دكتنا متمدد..
وهاذا الأخ قال معزوم ومسوي فيها متحشد..
..
..
أهل أول .. !
تعالوا شيفوا اليوم..
كيف صار حالنا في حال..
لا عاد نعرف الموجب ولامعنى كلام رجال..
حتى العمة سبناها لراعي السوبيا والفوال..
للتحميل اضغط هنا
[فقط الأعضاء المسجلين والمفعلين يمكنهم رؤية الوصلات]
لا تنسوا تدعوالي 00
[size=5]حذف الرابط المؤدي لمنتدى آخر

abuferas3000
0 01st March 2009, 08:0:28 PM
مشكور وتسلم الأيادي

ومكة بها كثير من التراث الرائع