المساعد الشخصي الرقمي

مشاهدة النسخة كاملة : صــــــــــــــــــــــــــوره وأبيات


سندس 2009
0 04th July 2009, 02:0:24 AM
السلام عليكم ورحمة الله وبركاته



صــــــــــــــــــــــــــوره وأبيات


[فقط الأعضاء المسجلين والمفعلين يمكنهم رؤية الوصلات]

أرفعي راسـك دقيقـه وافهمينـي
الطفولـه كلهـا حـب وصداقـه

لا تغيب الشمس وانتي تكرهينـي
الفـراق المحتمـل مـر ٍ مذاقـه

جبت لك ورده وذبلت في يمينـي
وكان ما تكفيك ( ورده ) جبت باقه

[فقط الأعضاء المسجلين والمفعلين يمكنهم رؤية الوصلات]

مرت بي الذكرى وانا خاطري شين
ذكرى زمان فات عنا وولى
هلت على خدي دموع من العين
كني غريب عن دياره مجلي
ناديت باعلى الصوت وين المحبين
اللي معاهم القلب يتسلا
واخص انا صاحبي كامل الزين
اللي اذا جيته رحب وهلا

[فقط الأعضاء المسجلين والمفعلين يمكنهم رؤية الوصلات]

البـر يعجبنـي إليـا زاان جـوّه
والارض خضرا والسما كلّه اخْيال ..
وريح المطر توّه على الأرض توّه
هتااان..بادي يشرح الصدر والبال ..
وقام السّنافي فالضحى وشبّ ضوّه
وغنّى عَلَي مْن أعذب الشعر موّال ..

[فقط الأعضاء المسجلين والمفعلين يمكنهم رؤية الوصلات]

تخيل ..وانا جالس بين الناس وحداني !!...
تذكرتك وقمت اضحك..
بس العين زعلانه..؟؟
راحت تشتكي وتقول:
متى ابشوف خلاني؟...؟...
وفجأه....اذا بالناس بدت تسأل...
ورى عينك تصب الدمع؟!
عسى ماهو بخبر شين؟...
تبسمت وقلت: لا..!!
,,,جفون العين تعبانـــــــــــــه,,,

[فقط الأعضاء المسجلين والمفعلين يمكنهم رؤية الوصلات]
ياليتني [ طفلة ] و أشوفه قبالي
ما أركض أقول الوجه لازم أغطيه !!

و أجلس بجنبه { طفلةٍ . ما تبالي
و أجر مسباحه و هو داخل ايديه

و أفرح اذا شفته ينادي [ تعالي ]
و أفتح له المجلس و أسولف و أقهويه


[فقط الأعضاء المسجلين والمفعلين يمكنهم رؤية الوصلات]

جريّت قلبي يا بوى من ركايـاه
وأدميت مابين الضلوع الحنايـا

أبكيك وليته ينفع الحـر مبكـاه
مير البلا ما يرد زولـك بكايـا

تبكيك عيني وخافقي يقطر دماه
ويبكي معي يا بوى كل البرايـا

ويبكي معي يا بوى دلال مزهّاه
عودّتها للضيـف تأتـي ملايـا

[فقط الأعضاء المسجلين والمفعلين يمكنهم رؤية الوصلات]

الا ياليتني أفتح بقلب الليل شبابك

وأجيك شايلن قلبي على خيط الظلام اسير

قدير الله يجمعني

على ارض الفرح وياك

ويشرق صبحنا الدافي وجنحان الظلام تطير

حبيبي يا بعد عمري حياتي كلها تفداك

كفاية لا تذكرتك

أحس ان الحياة بخير

[فقط الأعضاء المسجلين والمفعلين يمكنهم رؤية الوصلات]

المشكلـة .. ماهـي بـحاجـة .... لـتخميـن ....
ولاهي .. بعد .. ياناس .... صعبة .... القضيه ..!!

دق الرقم : كيفـك .. هـلا فيـك ... وأهليـن ....
أنا .. الخوي ... اللـي مزعّـل .... خويـه ....!!

قلّـه : تغيـب ... وصورتـك .. داخـل العيـن
ويبقى لـحبـك ... فـي خفوقـي .... بقيـه ..!!

أحبآب حنا ... لـو ... يجـي بيننـا .. شيـن ...
و مانفتـرق .. دام المحـبـة ..... نـديـه ....!!


[فقط الأعضاء المسجلين والمفعلين يمكنهم رؤية الوصلات]

لآ من رضت تسوي الدنيآ ل/ بسمتهـا " إحتفـآل "
وتقـبـل بضحـكـآت الطـفـل يـــوم السـنـيـن الأولـــه
,
و لـيـآ ذوت..مايبـقـى للضـحـكـه بهالـعـآلـم مـجــآل
تلقى الفـرح متحلـف ٍ..ثـوب "الأسـى" فـي منزلـه
,
يـآ دمعتـي ..يـا حيـرتـي ..يـاشـي فــوق الإحتـمـآل!
صبرك..ترى ضاق نفسي..ضغطك معاد أتحمله .؟!

[فقط الأعضاء المسجلين والمفعلين يمكنهم رؤية الوصلات]

زمان تدور ايامه اشوف الوقت بي يرجع
اوقف داخل الحصه اشوف احداث عاشتنا

شقاوتنا وحنا صغار لشرح الدرس مانسمع
نبي نلعب ونستانس بريئه حيل غايتنا

بسرعه ننقل الواجب متى يدق الجرس نطلع
ثقيله حيل هالحصه ممله من عباطتنا

نضيع وقتنا باشياء غريبه دوم ماتنفع
تحد افكارنا رغبه صورها روح لعبتنا

[فقط الأعضاء المسجلين والمفعلين يمكنهم رؤية الوصلات]
بحـضـر زفـافــك ياحـيـاتـي: : : بحضـر زفـاف اللـي هويتـه

وبـرزف عشانـك لا تحاتـي : : : وبهـديـك كــل الـلـي بغيـتـه

وبهديـك دمـعـي وعبـراتـي : : والـهـم الـلـي فيـنـي رميـتـه

وبحضر ولو بعرسك مماتي : : : شـايـل مـعـي قـلـب نسـيـتـه

واجـمـل قـديــم الذكـريـاتـي : : والضيـم اللـي منـك خذيـتـه

وبذكـر الليالـي الماضيـاتـي :: كنت الوليـف اللـي احتويتـه

كـنـت الــذي لأجـلـه ابـاتـي : : ساهـر ونومـي مــا اهتنيـتـه

بهـديـك فــي لـيـلـة وفـاتــي::: حلـم الليـالـي الـلـي طويـتـه

واعطيـك مـن قلبـي امنياتـي::: تلقـى الهـنـا فــدرب مشيـتـه

وتعيش فـي راحـة وسباتـي::: ويــا الـــذي عـقـبـي لقـيـتـه


[فقط الأعضاء المسجلين والمفعلين يمكنهم رؤية الوصلات]

ياطير قلبي طار من كثر طرياه
ويا طير طيري طار ولا عاد شفته

يا طير ابيك تطير وتشوف ملفاه
طيري غدى ومن بعده العمر عفته

يا طير طيري ينعرف من محياه
طيري شبيه البدر لامنك عرفته

يا طير طيري ماله مثيل ولا اشباه
طيري جمع كل الوصوف الى وصفته

يا طير قله طيرك الوقت عناه
بفراقكم يا طير حاله عصفته

ياطير طار بوقت كنت اتمناه
روح يا طير والحزن لي خلفته

[فقط الأعضاء المسجلين والمفعلين يمكنهم رؤية الوصلات]

الصدر ضايق والجفـن سـد عالـيي
حبس وراه اسرار واحزان وادموع

أجلس مع اخوانـي وكنـي لحالـي
اتصنع البسمـات والقلـب موجـوع

مليـت مـن تمثيـل دور المثالـي
اللي يشوف الشوق والحـب ممنـوع

يا خوي انـا مانيـب رجال آلـي
هيكل من الفولاذ والصلب مصنـوع

صحيح اكابر لـو الاحـزان فالـي
واتظاهر الشبعه وانا ميـت جـوع

لكـن.. إذا حنيـت لإنسـان غالـي
طبعا بحس بحالة الضيـق والـروع

تبغى الحقيقه عاد ؟.. ما كنت ابالـي
كنت احسب إنه يشيه الغير في النوع

احيان أعـزز فـي لقـاه احتمالـي
وأحيان احس ان الامل صار مقطوع


ووووووووووووسلامتكم

الوهاااج
0 04th July 2009, 04:0:12 AM
سلمت اناملك اختي الكريمة سندس

على هذا الأختيار المميز

خالص التحية

القلب الحنـون
0 04th July 2009, 08:0:44 AM
رائعة ومبدعة دوووما اختى (سندس )
بالتوفيق يارب
لك كل تقدير واحترام منى

بدوي رومانسي
0 04th July 2009, 09:0:40 AM
والله منتي بسهلة
أبيات ولا أروع
سلم ذوقك
شكرا

المحارب10
0 04th July 2009, 02:0:00 PM
البـر يعجبنـي إليـا زاان جـوّه
والارض خضرا والسما كلّه اخْيال ..
وريح المطر توّه على الأرض توّه
هتااان..بادي يشرح الصدر والبال ..
وقام السّنافي فالضحى وشبّ ضوّه
وغنّى عَلَي مْن أعذب الشعر موّال ..


ذوق كلها ذوق

تسلم الأيادي أختي الكريمة سندس

دمت بنقاء