المساعد الشخصي الرقمي

مشاهدة النسخة كاملة : طفشان أقلط !!


المحارب10
0 08th August 2009, 01:0:55 PM
السلام عليكم ورحمة الله وبركاته
مساء الخير
كيفكم يالربع
اكيد طفشانين صح .. مادام كذا بسولف لكم بسالفة


قم ياقلم واكتب قصاصات الخيال وذيعها =بس انتبه إياك تجرح خاطره ياخاطري
واسرد حوارك ع_الملا فوق الجبال وريعها = وخلك صريح ووضح الفكرة ووقف ماطري

قبل
كلام كثير سمعته عن الصين حتى احد الزملاء يقول والله يا أبو خالد إن شوارعهم انظف من مكاتبنا اللي انت شايفها نظيفه
عاد قلبي قام يدق يدق بقوة مو مصدق هذا الخيال الله فيه ناس بهذا المستوى لالا لازم اسافر واشوف بنفسي
رد
والله ياشوارع كونزو بالصين وهونق كونق إنها معفنه والشوارع مليانه حفريات ومياه وكنها حفريات ابن لادن عندنا خخخخ والشهادة لله بس فنادقهم اللي خيال وشي مو معقول وخصوصا الخمسة نجوم والاربعة نجوم
ابو خالد عدي اللي قالوه الربع وسوي نفسك ماسمعت
المهم قبل الرحلة
طبعا انا رايح دوله خيال وشيء مو معقول حسب سمعي وهذه تبيلها تطقيم خيالي
المهم
والبس اوروبا كلها خخخخخخخ
اشي بنطلون فرنسي وقميص ايطالي واشي العكس واشي الماني واشي اسباني وذا كله ليش
على شان رايح الصين ما ادري احسبهم كشخة الربع مادريت إنهم ماعندك أحد
تطقيمة اليوم الأول
بنطلون فرنسي وقميص ايطالي وحزام والله ناسيه بس اوربي ولونين يتلبس على الوجهين
وشراب فرنسي وجزمة ألماني
ياحليلي لبست أوروبا كلها خخخخخخخخخخخخخخخخخخخخخ
أكمل وألا راح الطفش خخخخخخخ

المحارب10
0 08th August 2009, 01:0:42 PM
بريك إعلاني


















إذا أحد قلك المدينة ذيك خيال قول ايه هين خخخخخخخخ
روح شوفها أول يمكن تطلع زي حي غليل بجدة والا الكرنتينا
ماكل ما يقال يوافق الحقيقة

المحارب10
0 08th August 2009, 01:0:20 PM
نكمل المسلسل
ومن كثر ماسمعت قررت أزور بكين وشنقهاي وكونزو وهونق كونق
وزهبت حالي على كذا

طقمت بأوروبا خخخخ وعلى القنصلية الصينية بجدة على شان آخذ الفيزا لازم كفيل صيني
قلنا ماعليه أهم شيء نروح نشوف الخيال

ومن القنصلية على المطار وعاد أنا لابس اوروربا ومافي غير أتميلح بلبسي كأني الفنان الهندي شاروخان وسردح مردح بالمطار عاد رايح الصين من قدي
وقفه
عاد تعرفون اللبس الافرنجي مو متعودين عليه يازينك يالثوب
المهم قبل يأذن الظهر قلت يالله يا ابو خالد استعد للصلاة وروح توضأ وأطلب ربك
ومطارنا حليو فيه مصلى وفيه كل العلوم الزينة
دخلت البتاع وتوضأت وباقي عن الصلاة وقت وقعدت اتمشى بالصالة رايح جاي سردح مردح
وعاد الجزمة الألمانية طرق طرق زي أفلام الأكشن خخخخخ وطرق طرق طرق طرق
وأشوف العالم تطالع فيه وتتبسم واللي مرخي راسه وانا مافي إلا تشيييييييييز توزيع ابتسامات
وطرق طرق وطرق طرق قاعد امتر الصاله فرحان بالسفر
وأحط يدي على سحاب البنطلون واثرني ماسكرته وأتذكر ربعي اللي موزع عليهم تشيز اثرهم يضحكون على السحاب مفتوح
وأتذكر كلام رجاء الجداوي وأقول ياشماتة أبله فازه فيني هههههه ابله فازه أخت أبله طازة
وهذا علم الله اللي جرى وسفطت وجهي وأنثبرت ولاعاد مرحت مثل اول لين طارت بنا الطيارة
ماعاد لي وجه سفطة ههههههههههه

نبع الوفاء
0 08th August 2009, 05:0:49 PM
ههههههههههههههه
كمل السالفه
ننتظر بقية القصة
.........................
شكرااا محارب

المحارب10
0 08th August 2009, 05:0:55 PM
العفو أختي نبع شكرا لك على الحضور

ليش التعديل اكيد فيه محشات مسحتيها ماعلينا نعديها لك خخخخخخخخخ

دمت بنقاء

المحارب10
0 08th August 2009, 05:0:18 PM
طبعا اوروبا مكلفة بس كله لعيون الصين ماعلينا

وتطير الطيارة للرياض وأنا ابي اتشقق من الفرحة كأني اول مرة اسافر أمحق من سفر

وصلنا الرياض وأه يالرياض لازلنا في ريحة المملكة ويازين ترابك ياوطن

وتقريبا خمس أو ست ساعات في المطار لكن مايهم يروح التعب لاجل عيونك يالصين
معادلة
طالع من البيت تقريبا الساعة 8.20 دقيقة صباحا و12 ساعة وأنا ماسفرت وش هالغناء والتعب ولا تغديت ولا أكلت شيء لكن الأخ مسافر خخخخخخ
ونطير الساعة 9 مساء على الخطوط السعودية
جايلك يالصين :th1 (59):
:th1 (59)::th1 (59):
خمسة مايكتفوني خخخخخ نكمل فيما بعد

المحارب10
0 08th August 2009, 05:0:11 PM
كنت قد وعدت أبو سعود بموضوع خاص موثق بالصور لكني أعتذر عنها
لاني حلفت ما اصور ولا صورة فيها بعد ما وصلت هناك
وراح اقلكم السبب فيما بعد

المحارب10
0 08th August 2009, 05:0:29 PM
عاد أنا من طبعي ما آكل الاكل اللي يقدمونه بالطيارة ولا أحبه
واتصبر أتصبر
لكن الجوع قاتل ويجيبنون الوجبة الاولى وألهطها

والوجبة الثانية وألهطها خخخخخخخخخخ

أكل الطيارة ولا اكل الصينين

خفت أصل هناك وأنا ميت جوع وألهط لي خنزير ما يندرى عن آكلهم الله يقلعهم

المحارب10
0 08th August 2009, 05:0:58 PM
وقفه

البنوك هم الحرامية بالمطارات

نسيت لا اصرف دولارات وأنا في المطار رحت للبنك الاهلي واسالهم بكم الدولار

قال 3.77 وتشترون بكم 3.72 شوف كيف النصب

وبرا 3.75 و3.74

والراجحي نفس ماسبق

قلت مامعك إلا تصرف وأمرك لله وامشطهم بكم دعوة و... الله يغفر لي

المحارب10
0 08th August 2009, 05:0:26 PM
فرصة للإخوة الأعداء يشمتون خخخخخخخخخ عفو الإخوة الأعضاء

المحارب10
0 08th August 2009, 06:0:33 PM
أعتذر عن عدم التسلسل لأني أكتبها من على الكيبورد وكل ماذكرت شيء سدحته لكم
وبعد ما مشطهم بكم دعوه وسبيتهم الله يغفر لي قلت خليني أروح الرياض واتغدى
أنا ماشي باللي قلت لكم قبل إلا وهذاك اللي يزهم علي باسمي أبو خالد أبو خالد وألتفت إلا وهو
أحد لإخوة اللي تعرفت عليهم في القنصلية الصينية وليد صغير مو كبير عمره 18 سنة هلا وغلا يامرحبا أنت ماسافرت لأنو قلي مسافر يومتها
وأتكي معه بالمطعم الإيطالي بالمطار وهو يأكل وأنا الجوع ذابحني ومستحي اقله أنا ما آكل اكلهم
جلسنا وسولفنا راح الوقت وما قدرت أروح ادق المندي بالرياض قلت
هذه الصين اللي تدورها يافالح الراي
لا اكل ولا سفر دايركت ومافي إلا تعب ووجع راس ....

نبع الوفاء
0 08th August 2009, 06:0:40 PM
صراحة موضوع حلوووووووو كثير
ومافيه محشات
متابعة بصمت على قولة عذبة
........................
لكن لي ملاحظة ياليت تغير اسم الموضوع
مثلا سوالف أو وناسة
..............
احترامي
....................

المحارب10
0 08th August 2009, 07:0:37 PM
كلك ذوق أختي نبع

اما عن التغيير خليني أفكر خخخخخخخخخخخخخ

ريـــانة الغصن
0 08th August 2009, 08:0:50 PM
فرصة للإخوة الأعداء يشمتون خخخخخخخخخ عفو الإخوة الأعضاء

لاااااااا يا أبو خالد شماتة شووووووووو [فقط الأعضاء المسجلين والمفعلين يمكنهم رؤية الوصلات](78).gif[فقط الأعضاء المسجلين والمفعلين يمكنهم رؤية الوصلات](78).gif

إجت ع رجليها والله جابها [فقط الأعضاء المسجلين والمفعلين يمكنهم رؤية الوصلات](22).gif[فقط الأعضاء المسجلين والمفعلين يمكنهم رؤية الوصلات](22).gif [فقط الأعضاء المسجلين والمفعلين يمكنهم رؤية الوصلات](22).gif

هأ هأه هأ هأه اهأأأأ هههههه

توحيد الضحككة يا أعضااااااااااااااااااء

[فقط الأعضاء المسجلين والمفعلين يمكنهم رؤية الوصلات](142).gif [فقط الأعضاء المسجلين والمفعلين يمكنهم رؤية الوصلات](142).gif [فقط الأعضاء المسجلين والمفعلين يمكنهم رؤية الوصلات](142).gif

المحارب10
0 08th August 2009, 08:0:41 PM
هههههههههههههههههه

والله إني قلته أكيد ريانة ما بتفوتها خخخخخخخخ لا ولسع باقي الإخوة الأعداء الثانين

جاي دورهم

بديش أضحك عليك مرة تانية خلاص سماح

سماح أنور خخخخخخ

شكرا لحضورك اختي الكريمة وبورك فيك

دمت بنقاء

ريـــانة الغصن
0 09th August 2009, 12:0:11 AM
أبدا ً [فقط الأعضاء المسجلين والمفعلين يمكنهم رؤية الوصلات](92).gif أبداً [فقط الأعضاء المسجلين والمفعلين يمكنهم رؤية الوصلات](92).gif أبدا ً [فقط الأعضاء المسجلين والمفعلين يمكنهم رؤية الوصلات](92).gif

ما تعيدها وتفتكر إني ممكن أكون عدوة لأي عضو

من الأعضاء السنافر في منتداي الحبيب,,[فقط الأعضاء المسجلين والمفعلين يمكنهم رؤية الوصلات](135).gif

بس تخيلتك باللبس الغربي,, [فقط الأعضاء المسجلين والمفعلين يمكنهم رؤية الوصلات]

ههههههههههههههه

والله مو شماتة بس ضحك,,

الله يديم الضحكة دايما ً بقلوبنا,,

خاصة بهالفترة لإني بحاجتها!! [فقط الأعضاء المسجلين والمفعلين يمكنهم رؤية الوصلات]

كمل إلنا باقي هالمغامرة,, [فقط الأعضاء المسجلين والمفعلين يمكنهم رؤية الوصلات](28).gif

الصقرالعربي
0 09th August 2009, 12:0:00 AM
مغامره ممتعه

حمدلله على السلامه

كمل ياااابطل

ابوبدر
0 09th August 2009, 01:0:50 AM
ههههه ههههه هههههههه

وراك ماكملت ياابا خالد تصدق اني جالس

اضحك واتخيلك وانت رايح لصين ومسوي نفسك ثقيل

لاكن ولايهمك السنه الجايه يالله العافيه اخاويك

واعملك الصور ..... تصدق وراي دوام لاكن استمتعت

بقرائت مغامرتك وخاصتا طريقة سردها ونقلها

احترامي ....... لاتنسى تكمل

أبو سعود
0 09th August 2009, 01:0:47 AM
بس تخيلتك باللبس الغربي,,


ومين قلك انه لابس غربي

الاخ راح بثوب ..... :th1 (122):


بصراحة مغامرة جميلة

مستمتعين معك

فوح الشذى
0 09th August 2009, 03:0:42 AM
متابعة بصمت

لكن لو كانت بالصور

كنا عشنا القصة معاك ...... مو لحالك هههههه

أكمل يا أبو خالد

حديثك أمتعنا

حنين الماضي
0 09th August 2009, 08:0:52 AM
دوما ترسم بكلماتك البسيطة وتعبيراتك الشفافة

ابتسامة تصل للقلب

أهنئك على تلك الروح الجميلة اللطيفة

/

/

استمتعت بما قرأت


،

،

المحارب10
0 09th August 2009, 11:0:15 AM
أبدا أبدا يا ريانة خخخخخخخخخخ كذا وكذا طبعا

ومتى ما حصلت له فرصة ماراح يرحمك عدواني

الله يكون بعونك خيتي ويفك كربك ويفرج همك

دمت بنقاء

المحارب10
0 09th August 2009, 11:0:45 AM
الله يسلمك أخي عناد وتسلم

ودي ووردي لك

المحارب10
0 09th August 2009, 11:0:02 AM
الله يخليك اخي أبو بدر وتسلم

بس ها لا تنسى السنة الجاية وترى وعد الحر دين خخخخخخخخخخ ورطه

ودي ووردي لك

المحارب10
0 09th August 2009, 11:0:37 AM
أهلس عليهم يا أبو سعود أنا داري إنك غاير مني على شاني أحلا منك حسين فهمي عيونه خضر

يحطمه خخخخخخخخخخخخخخخخخخخ

تسلم يالغلا وكلك ذوق

ودي ووردي لك

المحارب10
0 09th August 2009, 11:0:33 AM
الله يخليك اختي فوح الشذى وتسلمين

الصور حلفت عنها

دمت بنقاء

المحارب10
0 09th August 2009, 11:0:47 AM
الله يخليك أختي حنين الماضي وكلك ذوق

دمت بنقاء

المحارب10
0 09th August 2009, 12:0:15 PM
وين وصلنا داخ ماعاد يدري

نشب بالردود هههههههه

ماعلينا

المهم واركب في المقعد الأمامي واول مقعد في الدرجة السياحية وجنب الباب عارفين إني بحط رجلي لو صار شيء والا شيء متوصين بي
ياه وعلى النافذه فرصة للتصوير وبالوسط فلبينية رايحة مانيلا وعلى اليمين لبناني رايح لهونق كونق
شوي وكلمني اللبناني قال تبي خويك يجي جنبك قلت ايه قال خلاص انا بروح وراء وخله يجي مكاني قلت تم
ناديت خويي وكلمت الفلبينيه تروح على الطرف وخوي يجي جنبي
صار كل شيء سولفنا قال رفيقي انا بنام
وأنا من عادتي ما أنام في السفر لو 24 ساعة لا يمكن يجيني النوم زي الجني قلت نام يلعن أبو الفقر انا ما راح يجيني النوم نام صديقي وقعت ابحلق عيوني والرحلة طويله وأقول يامن شرى له من حلاله عله
ما ارتاح بالمقعد صديقي قلت تعالي على النافذه وأنا اجي في النص مو مشكلة دام ماني نائم
وماشاء الله عليه على طول هس ونوم ويميل علي شوي واطالع على يميني والا الفلبينية نايمة وتميل علي شوي خخخخخخخخخخخخخ
والله يحشروني حشر واقعد مصنم لا قاعد ولا واقف تقول خيال مياتا ياربي أنا وش اسوي
هلكت يميني فلبينيه والا اقدر اتحرك ما ابي المسها وشمالي خويي ولا ابي ازعجة واستمريت على هذا الحال فترة
وطرت على فكرة كرسي المضيفة اللي قدامي فاضي قلت خلني أتلين فيه وأقوم أجلس عليه وهي قاعدة تجهز الاكل والمشروبات ويوم شافتني وهي تجيني قالت قم لا افقع لك وجهك خخخخخخخخخ قلت انا مسكين واشر لها على مقعدي
قلت شوفي من هنا سد ومن هنا لابه تعبت يا معزبتنا قالت صك خشمك وأنقلع قلت طيب وانقلع واعود كرسيه واستمر على حشرتي السابقة لين وصلنا والله ياني هلكت
على شان كذا
قررت
عدم السفر بالخطوط السعودية
وعدم السفر للصين
نكمل فيما بعد

نبع الوفاء
0 09th August 2009, 01:0:59 PM
فلبينية وخويك
موقف طريف
(يالله تعيش وتأخذ غيرها )
ههههههههههه
...............
مشكور المحارب

المحارب10
0 09th August 2009, 03:0:27 PM
ههههههههههه اي بالله إن هذا علم الله اللي جرى لي أختي نبع

عاد انا من طبعي ما احب اضائق احد لاجل كذا أخذت راحتها الفلبلب

مي مصدقه حالها 8 ساعات وانا زي التمثال جنبها وكل ما تحركت ولمستني قمزت خخخخخخخ

حلوه قمزت يبي لها مترجم ذي

والمشكلة نايمين وإذا جات الوجبه قامو واكلو ونامو ماشاء الله تبارك الله عليهم

وهبا ونصل لهونق كونق وعاد هونق كونق هي سبب كل البلاوي

يتبع فيما بعد

المحارب10
0 09th August 2009, 03:0:42 PM
ههههههههههه اي بالله إن هذا علم الله اللي جرى لي أختي نبع

عاد انا من طبعي ما احب اضائق احد لاجل كذا أخذت راحتها الفلبلب

مي مصدقه حالها 8 ساعات وانا زي التمثال جنبها وكل ما تحركت ولمستني قمزت خخخخخخخ

حلوه قمزت يبي لها مترجم ذي

والمشكلة نايمين وإذا جات الوجبه قامو واكلو ونامو ماشاء الله تبارك الله عليهم

وهبا ونصل لهونق كونق وعاد هونق كونق هي سبب كل البلاوي

يتبع فيما بعد

المحارب10
0 09th August 2009, 04:0:04 PM
هونق كونق أو الصين الشعبية مستعمر برياطانية ونظامهم كله بريطاني والنظام البريطاني معقد واسوء نظام في العالم
لأجل كذا بدأنا أم المعارك معهم
اول شيء احصو عدنا واشرو علينا ورحنا للتختيم
سالوني ليش جاي قلت سياحة طيب حاجز فندق قلت لا طيب لك أصدقاء قلت لا
قالو كلها لا أنت ووجهك هيا روح مع الضابط ذا
عادي اروح معه وأنا همني هههههههه
والمشكلة خويي مو قاعد بهونق كونق بيروح الصين وأنا قلت ابي أريح بهونق كونق وبعدين الحقك بالصين
ومعه شنطتين وحدة معه ووحده معي اللي معي ثقيله فيها اكل وماهنالك لزوم القعدة لأنه بيقعد لين تبدأ الدراسة ومحزب حاله وياثقلها المهم قلت له شنطة صديقي ابي اعطيها اياه قالو امش واشيلها معي زي ما قالو وذبحتني بالشيل
ومشيت طرق طرق بالشبح الألماني بالمطار لين الحين هين الامر ويأخذ جوازي ويقول لي أجلس
ياولد ماهي بهي عدل بدل قال انثبر احسن لك ولسان حاله يقول والله لو ما تجلس للخك بوقس أقلب صورتك (( معاملتهم سيئة )) وما يتكلمون إلأا من رووس خشومهم قلت انثبر يا أبو خالد كلها دقائق وتروح الفندق وتريح
أنثبرت وياكثر اللي لقيتهم قدامي سيم سيم أنا

ريـــانة الغصن
0 09th August 2009, 07:0:47 PM
الله يهداك يا خوي,,

ليه ما مريت ع مكاان ثاااني غير هالبلاد!!

ياللا خيرها بغيرها,,

وعقبال ما نشوف الصور مع أبو بدر السنة الجاية!!

الوهاااج
0 09th August 2009, 11:0:17 PM
سرد قصصي جميل

نتابع اخي الكريم ابوخالد

المحارب10
0 09th August 2009, 11:0:46 PM
الحظ المقرود ياريانة هههههههههههه

المحارب10
0 09th August 2009, 11:0:15 PM
تسلم يا أبو يوسف وكلك ذوق

ودي ووردي لك

المحارب10
0 09th August 2009, 11:0:43 PM
نكمل

رايح من البيت الساعة 8 الصباح يوم الاحد

والوصول لهونق كونق ساعة الحادية عشر ظهرا يوم الاثنين ههههههه ولسع ما استرحت

يامن شرى له من حلاله عله

ياضابط تعبان مافي وينافخ علي كاني جايه في بيته الماخوذ

ياضبوطه مانمت نام هنا بس شهادة لله مؤدبة احسن من الكلب الاول ومتفاهم شوي مو مرة

واربع ساعات على ذمة التحقيق خخخخخ قتال قتال طلعت

المحارب10
0 10th August 2009, 12:0:53 AM
طبعا التحقيق مو معاي بس لا الصالة مليانة من كل جنس وكل شوي يأخذون واحد على انفراد قدامنا بس ههههههه

لا احد يشكك

موقف
إيطاليا أو من جنسية أخرى بس شكله أوروبي نافخ عليهم وشوي وهم يطلعونه

الخواجات مأخذين حقهم وزود ببلادهم وببلاد غيرهم

يامساكين يالعرب

ابوبدر
0 10th August 2009, 12:0:46 AM
ابو خالد عجل علينا وراك المومري عندك يفوت وتنسى

تغيب وتكتب لنا سطرين تقول واحد يبا يرقد (حلوه يرقد) يعني

ينوم اولاده واذا ناموا يكمل لهم اليوم الثاني ......... امزح معك لاتزعل

ياعسل .............. احترامي لاتنسى السنه الجايه اليابان والا الفلبين .......... تشاو

المحارب10
0 10th August 2009, 02:0:58 AM
ههههههههههههههههه شكلي بسوي لي فورمات

لا والله مشغول وبعدين انا قاعد اكتب من على الكيبورد حسب الذكريات طبعا

ولا تنسى ها مانيلا السنة الجاية ترى بكتب لك موضوع قبل الاجازة وبذكرك إن شاء الله إن ربي أحيانا

مورطك مورطك

وبعدين اعتقد راح الطفش خلاص وانا بعد تعبت يصرف نفسه خخخخخخخخخخ

والظاهر إني زودتها حبتين بس والله هذا علم الله اللي جرى

وبعدين لا زعل ولا شيء يابعد راسي عادي تمون

ودي ووردي لك

المحارب10
0 11th August 2009, 12:0:13 AM
فاصل إعلاني








تمطر سحاب وتسقي الأرض عطرك
وتجود بأمطارك على كل مكتوب
وتزيدنا من خير بوحك وفكرك
حتى نعانق قمة المجد ونذوب

ريـــانة الغصن
0 11th August 2009, 05:0:54 PM
فاصل إعلاني








تمطر سحاب وتسقي الأرض عطرك
وتجود بأمطارك على كل مكتوب
وتزيدنا من خير بوحك وفكرك
حتى نعانق قمة المجد ونذوب



رغم إني بكره الفواصل الإعلانية,,

بس هالفاصل حلووووو مرررررررررررة,,

ياللا يا أبو خالد كمل إلنا المغامرة,,

بصراحة وعن جد:

ما شاء الله عليك ,, تمتلك حس فكاهي جميل ,,

وطريقة إلقاء ممتعة,,

نبع الوفاء
0 11th August 2009, 05:0:36 PM
فاصل ولا أروع
بس الفاصل الثاني
ياليت يكون صوره من الرحله :th1 (35):
لو صورة النايمين جنبك بالطيارة :th1 (157):

:015:

:th1 (77): :th1 (159):
ههههههههه


مشكور المحارب مبدع بحق
متابعة

المحارب10
0 11th August 2009, 10:0:52 PM
ياكثر حبكم للشماته ياريانة أنت ونبع يمزح بعفاشة خخخخخخخخخخ

كلكم ذوق وسلمتم

خلاص توقفت هنا ساعود ان استطعت

مبارك
0 14th August 2009, 02:0:19 AM
مشكور يالمحارب كمل ، توهقنا وتسكت ، ما يصلح ...........

سماهر المصلى
0 16th August 2009, 09:0:44 AM
الله عالثوب يازينه زيناه ..رزة وبلا احرااااج :th1 (142):

ههههههههههههههههههههههه

كمل كمل القصة .. يلا يلا ..:th1 (5):

على فكرة سردك للقصة راااائع

يلا أبغى أضحك :th1 (142)::th1 (142):

:thau:

المحارب10
0 17th August 2009, 06:0:28 AM
على فكرة ترى سبب هذه الرحلة والمأساه السابقة الوردة ليش

قلتو لي ليش

انا كنت أكتب في الإهداءات شنقهاي ومدري شنو مدن كثيرة من باب الطرفه والفراغ والبهله

إلا وهي ناقزة وكاتبه أنا بسافر تركيا وخلي اللي بيسافر في الإحلام يسافر عاد انا حقدت كثير عليها بس ما ادري وين أرضها والا قتلتها ههههههههههههههه

قلت أفا تسافر الوردة وأنا ما اسافر والله قهر والله بغبسه على قولتهم هي كذا صح يا وي وي حلوة وي وي

المهم صار اللي صار وياليتني مشيتها لها وقعدت أحلم خخخخخخخخخخخخخخخ

شكرا مبارك وشكرا سماهر على حضوركم

قال أحلام قال

احلام احسن من التوريطة ومع ذلك تبقى الوردة قمة النقاء أنا مو حاقد عليها بس كنت بقهرها واجيب لها الصور في المنتدى وافقع مرارتها بس ياخسارة

ياشماتة ابلة الوردة فيني

المحارب10
0 17th August 2009, 06:0:54 AM
المهم السيدة الوردة قالتها على نيتها وانا داري مي حاطه فيها شيء لكن أنا كبرت في دماغي

وابي اسوي فيها وتجي فوق راسي

حنا وصلنا وين ؟

المحارب10
0 17th August 2009, 09:0:26 AM
تصدقون كتبت يجي صفحة وراحت خخخخخخخ الله من التعب اللي ماهو مخلوف

نكمل

المحارب10
0 17th August 2009, 09:0:35 AM
المهم وحنا في المعتقل وشوي وألا هاك السعودي اللي يشيل في شنيطته مثلي يوم شفته وأنا كني شايف النور
هلا وغلا وأسلم عليه وش السالفة يالبناخي
قال هذا علم الله اللي جرى ويسرد مأساته لي هههههههههههههه
قلت طيب وش هالسواه قال سواة الله احسن نصبر ونشوف وش يسوون فينا يقولو اجراءات
ونجلس جنب بعض من وين قال من الرياض قلت هلا والله وغلا ونعم بأهل الرياض هات العلوم
قال ماهنا شيء خلنا ننفك من النشبة اللي حنا فيها وبعدين نسلكها لك
وأربع ساعات وحنا كل شوي ناقزين فيهم بليز متى يفك احنا من الترحيل خخخخخخخخ قصدنا متى تنتهي اجراءاتكم
وماش غير نفخ
ستداون ياقوم البعارين عاد قلنا في انفسنا طيب ياقوم الخنازير مانقدر نفتح أفواهنا خايفين يكفخونا في ديرتهم
وكل شوي وهم سادحين واحد منا وكم سؤال وإذا عرفو إنه يدرمح راسه زينا فكوه ههههههههههه
وجاء الدور علينا حققو مع خويي وبعدين قالو تعال أنت ياللي لابس أوروبا وأقول في نفسي ليتني لابس شرق أسيا والا صابغ الوجه اسود عشان يفكونا هلكنا لين الحين ما ارتحنا 28 ساعة وكم سؤال والله لاتسمن ولا تغني كم معك فلوس وليش جاي وحاجز فندق وهلم جرجر ... وفكونا
ويوم فكونا وحنا مافي عيننا قطرة أما عني بغيت اصيح ولو صحت الصين بكبرها ومعها وهونق كونق مايسكتوني هههههههههههه

المحارب10
0 17th August 2009, 10:0:02 AM
ونطلع من عندهم وحنا ماحنا مصدقين أبك حنا طلعنا يازين الحريه زيناه
ها وين العزم ؟ السؤال مني لخويي
قال على الصين دقيقة وحدة مانقعد عند هالكلاب قلت تم توكلنا على الله وندرمح روسنا بالمطار ماندري وين الله مودينا
قلت انا قرأت بالنت بالقطار 1.50دقيقة وحنا في كوانزو بالصين قال توكل على الله ونروح ندور تذكرة قال مافي وطبعا حنا مانعرف شيء والا لو صبرنا هو كل ساعة يمشي قطار على كوانزو لكن وش تقولون عاد
ياولد مافي قطار مافي الا نمشي بالباص قلت تم وين يبيعيون تذاكر القطار ألا والهوكنقيات ينادون علينا تعالو عاد فهمنا عليهم إنهم بيركبونا بالباص بعدين كل اللي بالمطار بنات ماعندهم رجال المهم وتسحبنا وراها لين وصلنا محل قطع التذاكر
كم التذكرة ونسلم المقسوم ونمشي ووراها خخخخخخخخخخ لين حطتنا بصاله مثل اللي قبل شوي محتجزينا فيها واناديها يا هونقكونقيه حنا هلكنا نبي فندق ونام ونرتاح قالت 10دقائق وتمشون ياسلام بس عشر دقائق هينه
وإن كان ماخاب ظني وخانتني الذاكرة جلسنا يجي 40 دقيقة ماعليه سهاله ويركبونا في سيارة صغيره توصلنا لشينزو مدينة صينية وبعدها نركب الباص
شحططه من جد
وصلنا وختمو جوازاتنا بس شهادة حق معاملته أحسن من معاملة جوازات هونق كونق
ونقعد في المحطة
وردد ياليل ما أطولك
طيب يا هونقكونقيه متى أنا وخويي نمشي من هنا قالت 40دقيقة يوووووووووووه كمان قالت كمان بالصيني حتى نطق مانعرف ننطقها خخخخخخ
ونقابل وحدة من هونق كونق وصيني مستائين من الباصات وشكلهم مزعلينهم قلت لخويي أشبط فيهم هههههههه
نبي نلزق فيهم زي لزقة جونسن
من وين المس قالت من هونق كونق من وين ياشحط هو طويل مرة عشان كذا قلنا له ياشحط قال من الصين
ويسألوننا من وين أنتم قلنا من السعودية قال اوووووووو قوم بترول قلنا ايه
ما يدري إنا مانعرف وش البترول ماغير نسمع بها قال بترول قال
يحسبنا كل واحد ببيته بير نفط
المهم تامين في جلستنا وكل ماجا باص ناقزنا زي الورعان اللي تأخذهم النقليات نبي نركب ونسال اصحابنا هو ويقولو لا
ونجلس المهم خوينا زينين محترمين جدا ومؤدبين لكن عصبو
عاد حنا زي الطرشان بالزفة ماندري وش العلم يتكلمون بحده معهم بالصيني وحنا نطالع يمين ونطالع شمال ونهز روسنا زي الهنود عندنا خخخخخخخخخخخخ
ونسألهم وش السالفة قالت هذا الباص حق كوانزو ورافض يركبنا معه لا حول ولا قوة الا بالله
ويعدي الاول قلنا ماشي متى يجي الثاني هههههههه
ويجي الثاني وتكلمة فيه 2 سعوديين تركبهم معكم ويقول لا اثرهم طول اليوم يتشرطون فينا وحنا ولا على بالنا
عاد حنا زعلنا مرة ونصارخ عليهم مايصير كذا ساعتين جالسين وكل ماجاء باص ماتركبونا قامت اتصلت على المسؤليين خخخخخخخخخ وعاد انا اخاف من المسؤلين مرة يارفيقي وش الدبرة قال الصبر
ويجي الظاهر انه رابع باص ونسال رفيقتنا الهونقكونقية قالت هو وتكلمه عنا ويرفض
المهم الهونقكونقية ركبت بالباص قال خويي قم نركب ونركب معها ويتهاوشون معها ويصارخون عليها وينزلونها
وأنا ملخد في المقعدة تقول قطو والله ما أنزل وتجيني
قالت انزل واهز راسي لا وتروح وترجع أنزل قلت وش رايك ياخويي نزلو البنية والصيني اللي معنا يبون يعجزن بتنزيلنا
خلنا ننزل وننتظر الفرج قال مرة لا تنزل وشناطنا خايف يأخذونها قال ماعليك أنا خايف على أوروبا خخخخخخخ
ورجعت وتقولي أنزل
وتكلمنا بالصيني وأنا أكلمها بالعربي والله لو يطلع في راسك نخله ما أنزل ساعتين ملطوعين هنا مافي
عاد وهم ما يكلمون غيري خويي ولا كنه فيه ما يطالع لهم خخخخخخخخ
والمشكلة الصينيين اللي بالباص كلهم يطالعوننا ويشرون علينا مأخرينهم يبي يتحرك الباص ومو قادرين على شاننا
وملخدين أنا ورفيقي جنب بعض تقول لوحة ما نتحرك ولا نطالع فيهم
والمرة الثالثة وهي تجيني وأنا ألخصها بعين
قلت لا والله إلا أكلنا العلقة أكلم رفيقي ههههههههههه قالت قم قلت هاه وهي تمسكني مع يدي قلت ماني وبغيت أبكي ههههههه
قالت روح وراى
قلت أهه أشوى انا خفت تلعب كونق فو والا شيء وتبطحني قدامهم واقعد اصيح
وأقول لها خويي قالت لا قلت
أمرك
عسكري سابق
ووتحطني بأخر الباص عاد وتعرفون آخر الباص مقعده وحده موصله مع بعض وفيها اربعة وتحطني بالنص وانا هلكان وابي انام ماعليه نكمل
عاد ويركبون الهونقكونية ونمشي
وكل شوي طخ يمين قمت طخ شمال قمت ويطالعون في وأنا ارد زي ما انا
الصدق انا كنت اتحرى بوقس من خوياي اللي راكب جنبهم اقاوم النوم ولا قدرت وكل ما نعست صقعت لي واحد
ونسألهم وين الفندق قال المحطة الجاية
ونهزهز بروسنا
بس حقيقة الشعب الصيني والهونق كونقي شعب حبيب وراقي وخدوم جدا البلشة مطاراتهم وعسكرهم
وين القاردين أظن اسمه كذا قال الحين يقف الباص عنده ويم وقف وحنا تقول منولدين من جديد
الحمد لله أخيرا وصلنا
وننزل وانزل شناطنا إلا وهاك الصيني مقابلنا
تبون فندق قلنا ايه رايحين القاردين قال غالي قلنا ماعليه مو مهم
تعالو معي فندق زين وقريب ورخيص قلنا لا
قال خويي خلنا نروح معه قلت ماعاد فينا
عاد في المحطة اتصلو على الفندق ذا ويوقولو فل قال لي خويي كل هذه الساعات اللي صابرينها خلنا نروح ياشيخ ماحنا خسرانين شيء
وزي مالله حكم ونروح معه فندق طيب ورخيص 3*** قلت توكل على الله ونشيل شناطنا ومن يوم وصلنا الغرفة وأحنا نتمدد قال خويي انا ابي انزل والله ناسي وش يبي المهم قلت طيب وانبطح على السرير وهي ولا صحيت الا اليوم الثاني
الا وخويي متمدد بالسرير اللي جنبي ياولد انت كيف دخلت قال دقيت عليك مافكيت وجبتهم يفكون لي
قلت والله لو سحبوني من هنا وشالوني ورموني بالبحر ما ادري عنهم هههههه مكملين 36 ساعة الظاهر
وعشان البهذله اللي بهذلونا بها بالمطار وبالمحطة حلفت ما اصور ولا صور والبقية إن تبقى لنا عمر تتبع
شكرا لكل متابعي

المحارب10
0 17th August 2009, 10:0:51 AM
وسوري على الأخطاء المصاحبة لأنني اكتبها من على الكيبورد وانسى حرف وهكذا

إلى اللقاء في رحلة آخرى قادمة إن شاء الله مع أبو بدر إلى مانيلا

مورطك مورطك وخلني أشوفك ترجع في كلامك هههههههههه

ودي ووردي للجميع

ريـــانة الغصن
0 17th August 2009, 11:0:43 AM
السيدة الوردة قالتها على نيتها وانا داري مي حاطه فيها شيء لكن أنا كبرت في دماغي

وابي اسوي فيها وتجي فوق راسي

هههههههه

زكرتني بالمتل: جاجة حفرت ع راسها عفرت,,

أن شاء الله رحلة السنة الجاية تكون أحلى من الأحلام ومن الواقع كمان,,

دمت طيبا ً أبو خالد وبلغنا وإياك رمضان,,

سماهر المصلى
0 17th August 2009, 11:0:22 AM
صارت رواية ..
مغامرة حلوة .. وراح استنى الرحلة الجاية مع ابو بدر ..
يامن شرى له من حلاله عله...>> الله يعينه عالرحلة مسكين
شكرا لك اخي الكريم ورمضان مبارك

همسه
0 17th August 2009, 03:0:05 PM
السلام عليكم ورحمة الله وبركاته

ماشااءالله المحارب سافرت الصين ولا قلت لنا^_^

كنت خاطري اسافر هناك وشوف هالعالم الثاني هههه

همسه
0 17th August 2009, 03:0:56 PM
ومبدع ماشاءالله في طرح القصه


عسي الله يحفظك


بانتظار الرحله الثانيه ان شاءالله

نبع الوفاء
0 17th August 2009, 04:0:48 PM
[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])


شكرا لك اخي المحارب

نتمنى لك رحلة سعيده المرة القادمة بدون بهذلة :th1 (76):

دمت بود

............................

ابوبدر
0 17th August 2009, 04:0:24 PM
شكرا لك اباخالد والله اني جالس اقراء واضحك وكل مادخلت عله ام (؟؟؟؟؟؟؟)

قالت وش فيك انهبلت ماتدري اني اتخيلك وكانك امامي وجالس اضحك عليك

على العموم سرد ولا في الخيال واتمنى لك دوام البسمه

احترامي

مبارك
0 17th August 2009, 06:0:34 PM
السلام عليكم ورحمة الله وبركاته

سلامة الأسفار يالأوربي أنت وخويك و الحمدلله على الوصولكم للفندق ... وبعدين السفر قعطه من الجمر

:th1 (112): والله يا محارب خشينا معك من جد!!

لازم أسافر معكم السنة الجاية مانديلا أنت وأبو بدر :th1 (5)::th1 (123)::th1 :th1 (112):

ضبطوا لنا الجو !! ومشكوريين ...

:th1 (165):

المحارب10
0 18th August 2009, 09:0:17 AM
قال الصين قال

شوارعهم أنظف من مكاتبنا خخخخخخخخخخخخخ

شكرا لك اختي ريانة

دمت بعز ونقاء

المحارب10
0 18th August 2009, 09:0:11 AM
شكرا لك أختي سماهر

دمت بعز ونقاء

المحارب10
0 18th August 2009, 09:0:24 AM
لا تسافرين ياهمسة خخخخخخخخخ

والله هي حلوة بس احنا كرهونا بها بالمطار

شكرا لك أختي همسة

دمت بعز ونقاء

المحارب10
0 18th August 2009, 09:0:59 AM
شكرا لك أختي نبع الوفاء هذا من ذوقك

دمت بعز ونقاء

المحارب10
0 18th August 2009, 09:0:01 AM
مبسوط يا ابو بدر ها تشمت خخخخخخخخخخخخ

ربي يديم الابتسامة على محياك ويخليك ويخلي لك اولادك

ودي ووردي لك

المحارب10
0 18th August 2009, 09:0:12 AM
الله يسلمك ويغليك يامبارك

ضبط نفسك ولم فلوسك ترى الربع يحسبون عندنا نفط في بيوتنا ما يدرون إنها تجي بالغلب

راح ننتظرك إن شاء الله

ودي ووردي لك

مبارك
0 18th August 2009, 06:0:45 PM
جاهز يا محارب وكل شيئ تمام الفلوس والنفوس ، ومجهز لكم عذقين رطب اخلاص يحبها قلبك

ويا الله على مانيلا ولا مانديلا .. ههههههههه ... مشكور يالمحارب على الابتسامة التي لا تغادر

ويعطيك العافية

المحارب10
0 19th August 2009, 10:0:24 AM
تسلم أخي مبارك وكلك ذوق

أجل ننتظرك السنة القادمة أنت وأبو بدر

ربي يعافيك اخي وكل عام وأنت بخير

ودي ووردي لك

المحارب10
0 19th August 2009, 10:0:08 AM
طفشان اقلط






























صارت زي المسلسلات المكسيكية المدبلجة ههههههههه

يالله خلاص الحلقة الأخيرة

اقفل المحضر في تاريخة .

مبارك
0 13th December 2009, 05:0:22 AM
:th1 (149):

:th1 (54):

صباح الخير يا محارب 10


باقي في الصين :happyspoo:happyspoo:happyspoo:happyspoo


:C_laugh: