المساعد الشخصي الرقمي

مشاهدة النسخة كاملة : ,,..قصيده الجمهره....بصوت الطفله دينا ..,,


نبع الوفاء
0 12th November 2009, 11:0:12 AM
قصيده الجمهره ..,,
للشاعر : حــــــــــامد زيد ..,,
اداء الطفله دينــــــــــــا

<param name="allowFullScreen" value="true" />
<param name="allowScriptAccess" value="sameDomain" />
<param name="movie" value="[فقط الأعضاء المسجلين والمفعلين يمكنهم رؤية الوصلات]" />
<param name="quality" value="high" />
<param name="bgcolor" value="#000000" />
<embed src="[فقط الأعضاء المسجلين والمفعلين يمكنهم رؤية الوصلات]" quality="high" bgcolor="#000000" width="540" height="439" name="/YouTube_video/youtube" align="middle" allowFullScreen="true" allowScriptAccess="sameDomain" type="application/x-shockwave-flash" pluginspage="[فقط الأعضاء المسجلين والمفعلين يمكنهم رؤية الوصلات]" />
</object>

اي بالله اخطوا والخطا الي جابهم عين الصواب
مبطي وانا اشوف الطمع يكشف رداهم واستره
مايملي عيون الحسود بهالزمن غير التراب
ومن لايتوب من الخطا تحرم عليه المعذره
اللي من أولها خراب اكيد تاليها خراب
والبندق الي ما تثـّــوّر في هدفها تذعره
ودك ليا من جاتك الغلطه من الناس القراب
الصاحب الي ماكسبت بمحبته ماتخسره
مشكلتي اني ماعرفت احسب لصدتهم حساب
قلطتهم صدري على ذكري قصيد وحنجره
صوت يصول بمنظره وخطاب مابعده خطاب
والطيبه اللي زعزعت صوت الخطيب ومنظره
مافيه دمع صوبوه أحبابي بوجهي وخاب
ولازرق حزني على غالي ولا فج نحره
كل الذهاب اللي معي ذكرى من أصحاب الذهاب
والي بقالي من عذاب أشرف طريقي وأخطره
لأني تجنبت الغرق عديت من فوق السحاب
لأن أكثر أصحابي ورق ماشفت للطيب ثمر
والله ماحطيت بين الحقد والخـّــوه حجاب
حتى غدوا ربعي يحدّوني على الضيق أشكره
البارحه ثارت على أرقاب وآوتني أرقاب
البارحه يا ثقل دم البارح ويا محقره
أهبّ يا وجه الحسد وشلون جمعهم وغاب
كيف السنين الى عطتني بعثرتهم بعثره
أثر المصايب ماتجيك الا من الناس القراب
وبهالزمن حتى الخوي اللي تثق فيه احذره
لابارك الله في رفيق تزعله كلمة عتاب
ولا جمع الله الرجال اللي تفرقهم مَرَه
عودت نفسي كل ما شددت لليمّه ركاب
ماصد وجهي عن طريق الا ليا جبت خبره
الصاحب اللي مايجي من صحبته غير العذاب
نذر على ان ماهجرني والا انا اللي بهجره
من يفتح لفرقاي باب أفك له عشرين باب
وإذا خويي ما يقدّر خوتي ما اقـــدّره
ان روّحوا فأنا بري منهم ليوم الحساب
وان جرحوا قولولهم ماحركوا فيّ شعره
شفهم لهم حول السنه ولا خذوا مني جواب
أحسن دوا للي يحاول يستفزك تحقره
أنا جمعت أوراقهم بكتاب وأغلقت الكتاب
ياوقت لم الي تلمّـه وانثر الي تنثره
ماكنت احاتيهم صغيّر عاد أحاتيهم شباب
أما ذخرني صاحبي لليوم الأسود ما أذخره
عقب اكتئاب البارحه ماعاد انا حمل اكتئاب
الطيب جرجرني وأنا مانيب ناقص جرجره
اللي يخاف من الظما يترك لنا طرد السراب
واللي مب قد الظلام ووحشته لايسهره
أنا تجرعت الظما لين احترق وجهي وذاب
أنا كسرت بخاطري قبل الصداقه تكسره
أنا خسرت اللي غيابه غير عن كل الغياب
أنا غفرت لعالم ما تستحق المغفره
أنا أكثر انسان تعلم من كثر ما أخطى وصاب
أنا آخر انسان يتكلم في زمان الثرثره
أنا القصيد اللي نزع من دفتره مليون ناب
وأنا الوحيد الي جمع مليون ناب بدفتره
جفني وجرحّـه السهر حيلي وهدتـّه الصعاب
دمعي هدر ضحكي ندر عمري وضيعت أكثره
شيـّـبت بعقول العرب هيّـبت روس ماتهاب
جمهرت ناس ماعمرهم مايعرفون الجَمهَره
ماصرت ذيب الا لأن اللي حواليني ذياب
ماكنت اغيب الا لأن العفو عند المقدره
وترى حلاتك لاحملت لصاحبك كلمة عتاب
أما نطقت بها بوجهه ماتذمه بظهره
في هالزمن ما يملي عيون الحسود الا التراب
ولا الحظيظ الطلقه الي ماتصيبه تذعره
ودك ليا من جاتك الغلطه من الناس القراب
الصاحب الي ماكسبت بمحبته ما تخسره
..............
والسموحه .,,

زائرة مكة
0 12th November 2009, 11:0:46 AM
الله يعطيكي العافية

المحارب10
0 12th November 2009, 12:0:48 PM
وعليكم السلام ورحمة الله وبركاته

نقلة رائعة سلمت اختي نبع وبورك فيك

دمت بنقاء

نبع الوفاء
0 13th November 2009, 09:0:51 AM
الله يعطيكي العافية

~~~~~~~~~~~~~~~~
الله يعاااااااااااااافيك
مشكوره غاليتي زائرة
~~~~~~~~~~~~~~~

نبع الوفاء
0 13th November 2009, 09:0:05 AM
وعليكم السلام ورحمة الله وبركاته

نقلة رائعة سلمت اختي نبع وبورك فيك

دمت بنقاء
~~~~~~~~~~~~~~~~
أخي الكريم المحااارب
بارك الله فيك ..,,
كل الاحترااااااااااااااام
~~~~~~~~~~~~~~~

حنين الماضي
0 13th November 2009, 10:0:47 AM
ودك ليا من جاتك الغلطه من الناس القراب
الصاحب الي ماكسبت بمحبته ما تخسره

روووووعه الله يعطيك العافيه يانبع الوفاء

بارك لله فيك أختي وسلمت يداك

الله يحفظ البنوتة الزهرة ...

ماشاء الله لها مستقبل في الإلقااااء رائع

هذه نابغة .... الله يحفظها

اللّهمّ آمين


،
/

ريـــانة الغصن
0 13th November 2009, 03:0:32 PM
وترى حلاتك لاحملت لصاحبك كلمة عتاب
أما نطقت بها بوجهه ماتذمه بظهره

يسلموا يا غالية,, بوركت ,,

إنتقاء راقي,, كرقيك,,

!~¤§¦عذبه¦§¤~!
0 13th November 2009, 04:0:43 PM
وعليكم السلام ورحمة الله وبركاته

الله يحفظها اجادت اختيار الكلمة و اتقنت الالقاء
تسلمين نبع الوفاء على هالاختيار



,

ابوبدر
0 13th November 2009, 05:0:18 PM
الغاء رائع ونقله ممتازه
بارك الله فيك نبع الوفاء
احترامي

نبع الوفاء
0 19th November 2009, 04:0:08 PM
روووووعه الله يعطيك العافيه يانبع الوفاء

بارك لله فيك أختي وسلمت يداك

الله يحفظ البنوتة الزهرة ...

ماشاء الله لها مستقبل في الإلقااااء رائع

هذه نابغة .... الله يحفظها

اللّهمّ آمين


،
/

أشكرك على تواجدك الرائع
لكِ أجمل وأرق تحيه

[فقط الأعضاء المسجلين والمفعلين يمكنهم رؤية الوصلات]

نبع الوفاء
0 03rd December 2009, 09:0:31 AM
يسلموا يا غالية,, بوركت ,,

إنتقاء راقي,, كرقيك,,

سلمك ربي ~’ كلك ذوق~’
غاليتي ريانه الغصن
’~ شكرا جزيلا ~ ’

نبع الوفاء
0 03rd December 2009, 09:0:36 AM
وعليكم السلام ورحمة الله وبركاته

الله يحفظها اجادت اختيار الكلمة و اتقنت الالقاء
تسلمين نبع الوفاء على هالاختيار



,

سلمك ربي غاليتي عذبه
~ شكرا على التواجد الرائع ~
,’كل الاحترام ,’

نبع الوفاء
0 03rd December 2009, 09:0:23 AM
الغاء رائع ونقله ممتازه
بارك الله فيك نبع الوفاء
احترامي

’, وفيك أخي الكريم ابوبدر
شكرا لحضورك الرائع
دمت بحفظ الرحمن ,’

أراسيل
0 03rd December 2009, 12:0:52 PM
[فقط الأعضاء المسجلين والمفعلين يمكنهم رؤية الوصلات]

نبع الوفاء
0 03rd December 2009, 08:0:31 PM
[فقط الأعضاء المسجلين والمفعلين يمكنهم رؤية الوصلات]

شكراً لمشاركتك غاليتي أراسيل
[فقط الأعضاء المسجلين والمفعلين يمكنهم رؤية الوصلات]