المساعد الشخصي الرقمي

مشاهدة النسخة كاملة : تدري ويش ..؟؟..!!... غيااااابك !!


حنين الماضي
0 26th December 2009, 12:0:01 AM
السلام عليكم ورحمة الله وبركاته


تدري ... ؟؟!! ... غيابك ..!!


[فقط الأعضاء المسجلين والمفعلين يمكنهم رؤية الوصلات]

تدري وش سوَّى غيابك ؟!
مـوَّت غيابك سوالف ..!


ما يخوِّفني زماني
بس من فرقاك خايف ..!



فجأه أصحـى ومـا أشوفك ..
لا تهددني ... ظروفك


إعتبرني .. حلم / واقع
وإلاَّ ظلٍ ما يطوفـك


ضاميٍ عطشان .. جيتك
لا يعشمني سرابك ..!



تسمح بكلمه ؟! بغيتك
قبل لا تبدي غيابك ..!




[فقط الأعضاء المسجلين والمفعلين يمكنهم رؤية الوصلات]




تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!


تبْدي ضحْكاتي هلابكْ
وفي وداعكْ
ما ينامْ الجَرحْ بدْري


وإنتْ كيفكْ
شوفْ وشْ ناوي عليـه


هاكْ قلبي وهاكْ سيفكْ
وسوْ فيني اللــي تبيه!


لا تحاتيْ
صفّحْ بكيفكْ جروحي


وإشْطبْ آمالي وطموحي
وإعْتبرْ قلبي كتابكْ !!





[فقط الأعضاء المسجلين والمفعلين يمكنهم رؤية الوصلات]




تدري وشْ حطّم غيابكْ

مرْكَبْ بداخلْ شعوري




منْ نسى قلبكْ .. حضوره

قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني




وصارتْ الدنيـا / قسى !!

وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر




منْ غيابكْ السلامه

فيها قلبي ما رسى
لا صباحي هو صباحي
ولا مسا قلبي / مسا




يا حبيبي في .. غيابكْ

إختلفْ شكلي ولوني
صرتْ أنا إنسان / ثاني
والسَهَر تعّبْ عيوني




والسؤال اللي ذبحني :

- صج اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!






[فقط الأعضاء المسجلين والمفعلين يمكنهم رؤية الوصلات]




تدري لو ينطق غيابك؟

بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟




ياللي مِن غيرك حياتي/

ما لها داعي ومعنى !
صار قلبي ما يحاتي:
بعد ما تخليت عنـه !




إيه كلّ الناس عندي

بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي




عشت وافي لدنيتك

وبموووت وااافي ..




ما أخونك لو تجافي..

ما هو آنا اللي إن ضاقت
علي الدنيا / خنت





[فقط الأعضاء المسجلين والمفعلين يمكنهم رؤية الوصلات]




تدري وش صار بغيابك..؟

غاب [ شاعر ] أحتريه
الوطن : يبكي عليه
والورق : مسكين ضاق
والقلم : يفقد إيديه
عاجز التفكير فيني
يلقى حلٍ للفراق
الزمن مثله زماني
والدقايق هي دقايق
والسؤال اللي جرحني
وين فايق وين فايق
وين فايق..؟
ليه ما يكتب قصايد
وين فايق..؟
ما نشوفه بالجرايد
وين فايق..؟
نفقده بالحيل / وايد
صج هو راح العراق..؟
وش يسوِّي ليه راح..؟
وين فايق..؟
ما تعب صوتي ينادي
صرت مُزعج صرت هادي
وفجأه قلت: بصوت صارخ
" فاااااااايق "
وأسمع جراح
راح صوتي
والصدى يرجع .. سكات
مَنْ تُنادي ؟؟ لا حياة
كم أسيرٍ جو رفات
مات....
ومات....
مات....
ومات...
لحظه لحظه منهو مات..؟
صرت أحس الإختناق
يعني فايق ما رجع؟
ليه يا حظي وجع
قلبي دقاته سباق
مِن خبر موته فجع
وهذا آخر شي صار
مات
فايق في العراق !!





[فقط الأعضاء المسجلين والمفعلين يمكنهم رؤية الوصلات]





غيبِتِك [ قسمه ونصيب ]


خلْني أشرَه عـ ( الزمن )
يا حبيبي .. ما هو عيب
إن بكى فينـي .. الوزن
( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!






[فقط الأعضاء المسجلين والمفعلين يمكنهم رؤية الوصلات]



:


تدري وش ناتج غيابك ؟


زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح
يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون وصديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !




:





[فقط الأعضاء المسجلين والمفعلين يمكنهم رؤية الوصلات]



:




عليك شلون ما أزعل؟

وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!




:




[فقط الأعضاء المسجلين والمفعلين يمكنهم رؤية الوصلات]




:




تدري وش ينهي غيابك ؟!

ينهي أحلامي و [ طموحي ]
ويبتدي مشوار حزني ..
وتنتشر فيني جروحي !




ما بقى للشوق حاجز

من كثر ما عاش فيني
كيف أقول : إشتقت لك ؟!
وصورتك دايم بـ عيني !




كيف أضحك ..

كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك " ..




ما قدر يترس عيوني ..

من بعد عينك عيون !
ليه مستغرب جنوني ؟
يا موصلني الجنون ..




شفت كل الدنيا هذي ؟!

ما تساوي أي شي !
قمت أسأل نفسي [ وييينك ] ..
من معاي ؟
ومن علي !




وبالنهايه لا تحاتي ..

تبقى في دفتر حياتي :
أغلى كلمه ..
وأحلى كلمه !
إنطقت فيها " شفاتي " ..!




:








[فقط الأعضاء المسجلين والمفعلين يمكنهم رؤية الوصلات]





:




تدري وش " يقتل " غيابك ؟!

يقتل إحساسي وعمري !
وين رايح عن عيوني ؟
ليه ؟
تو الناس !
بدري !




إدفن أسراري معاي ..

ما أبي أي شخص يدري
لا تسولف من وراي !
خل يكون الحب " عذري " ..!




وإن سأل عني قليبك ؟!

لا تفكِّر في الجواب !
قول [ إحتاجك ] حبيبك ..
وإنت لاهي بـ الغياب !




من يحبك ..

وش مصيره ؟!
- " يحترق " قلبه أكيد!
تنهي أحلامه الكبيرهـ ..
وتبدي في حبٍ جديد !




ولا يهمك قلب حبّك !

وضحَّى في عمره / عشانك ..
المهم يرتاح قلبك ..
وتلقى في الدنيا / مكانك !




صرت أبعد من منامي !

وكنت أقرب من ثيابك !!
أختصر باقي كلامي ؟!
حيل يقتلني غيابك




:




[فقط الأعضاء المسجلين والمفعلين يمكنهم رؤية الوصلات]







:




تدري وش بكَّى غيابك ؟

موق عين اللي تحب !
مهتني حضرة جنابك
والمشاعر " تنتحب " ..!
المطر من غبت ينزل
إمتلت عيني وخدِّي !
ما رضى قلبي يعزِّل
رغم إنِّك صرت / ضدِّي !




إستحَت منِّك [ طعوني ] ..

وما قويت أصير ضدِّك !
ليت ما شافت عيوني
من يذمني [ ضيف ] عندك !




إنسَحَب فرحي / وطموحي

ويني عنِّي ؟
- ما دريت !
صرت أضحك من جروحي
وداخلي ياما ( بكيت ) .. !
صارت الراحه / ألَم
واللي باقي ..
ما سَلَم !!
" التَعَب " واقع أعيشه
قلبي بـ الفرحه حَلَم ..!




دمعتي تمشي تسولف

وإنعَمَت عين الشفايف
وكل دمعه تطيح منِّي
إنكتَب فيها " حسايف "




مو غريب أبكي عشانك

الغريب إنِّك .. تخوِّن !!
ويبقى مثل أوِّل مكانك
وأعتبر هـ الجرح ( هيِّن ) ..!




فدوه لك جرحي ..

وضيقي
المهم قلبك يحب ..
تدري وش موتي الـ حقيقي ؟!
[ من حياتي تنسحب ] ..




:





[فقط الأعضاء المسجلين والمفعلين يمكنهم رؤية الوصلات]





:




تدري وش صحَّى " غيابك " ؟

جرح نايم من سنين !
ما ربحت
وما فرحت
جرحي فيني يستهين !




غيبتك كانت خساره

إفهم التعبير زين
من ترك قلبك دياره
وجه جدرانك ( حزين ) !
دمعتي تملي عيوني
عين تسأل فيني عين
تبكي فيني أو بدوني
وضعت بين الدمعتين !




وين أيَّامك يا " غايب " ؟

قلبي يسأل قول وين !!
يا بعد كل الحبايب ..
شوف وش سوى الحنين !
نمت وفي حلمي لقيتك
وقمت أردد كلمتين :
لا تغيب أكثر فديتك
نامت أفراح السنين !




:





[فقط الأعضاء المسجلين والمفعلين يمكنهم رؤية الوصلات]




تدري وش وقَّف غيابك ؟

وقَّف غيابك [ سنيني ] !
نبض قلبي ..
ليه ساكت ؟
والدموع اللي تباكت ؟
كل هذا صار فيني !!




يعني معقوله تغيب

وما تراجع بـ القرار ؟




منظر غيابك كئيب !

واقف بـ " سكة قطار " !




في قفص صدري ربيت

كيف أحس الطير طار ؟




لا نهاري هو نهار ..

وفيك أسهى ما دريت !




ومن يكلمني يقول :

يا بخت من به سهيت




إنت ما حسيت يمكن

والغياب أكبر دليل ,




دايم يردد لسانك :

" لذة الشي القليل "




راضي قلبي في قليلك !

المهم ألمح وجودك




تحترق أعصاب قلبي ..

وإنت غايب !
يا برودك !!!
:





[فقط الأعضاء المسجلين والمفعلين يمكنهم رؤية الوصلات]




تدري وش بعثر غيابك ؟

قلب من تغليك عينه !




من بعد ما كان يشوفك


رغبته ومعنى سنينه




ليه يا عيني بكيتي ؟


قالت عيوني : حزينه !




قلت يرجع إن هديتي


قالت إبتنهيد : وينه ؟!




هذا " قلبك " بين إيدينك ..


وما أبيك ترده لي !




من كثر ما قلت : وينك ؟


صرت أسألني علي !




ضعت في زينك وشينك


مات قلبي وإنت حي !




ما تهم صارت سنينك


وما يهمني كل شي !




كل هذا وإنت باقي ..


مستغل نقطة فراقي !
ما لقيت بوقت همي " شخص " ..
وبـ الفرحه ألاقي !




[فقط الأعضاء المسجلين والمفعلين يمكنهم رؤية الوصلات]






:




مدام الشوق ما جابك

وبقلبي الشوق متنثر :
غيابك حيل يذبحني ..
ويخلي الحب يتعثر !




قليل إن قلت في حقك

ومهما قلت أنا مقصِّر !
كثير أشياء تدفعني
عليك ،
إعذرني ما أصبر !




أحبك ( لا ) ما أبيها !

أبي أكثر من [ أحبك ] ...
ومدامك دنيتي فيها
حبيبي ما أبي " أكثر " !




قدرت أنسى جميع الناس

وفعلاً صرت أنا ناسي ..!
يا ماخذ منِّي الإحساس
أبي أنساك ....
ما أقدر !!




معاي إنتَ أكون بخير

وقلبي حيل مستانس ..
عن العالم حضورك غير
وفيك [ الكل ].. متأثر !




تبي تقسى تبي تبعد ؟

وأنا أشتاق لك ويَّاك !
تعال إن جابك الموعد
أنا ما أبيك ( تتأخر ) !




حزين القلب بـ غيابك

وفيه الجرح ما يصغر
أقول أشفى مع المُدَّه !
وأشوفه يكبر ..
و يكبر .....!




:





[فقط الأعضاء المسجلين والمفعلين يمكنهم رؤية الوصلات]





:
تدري وش معنى غيابك ؟
يعني " الموت " المحقق !
عمرك إنتَ شفت [ دفتر ] ..
من غلا شخص يتشقق !


يعلَم الله .. وش [ ظروفي ] ..
يا بعد عيني .. وشوفي ..
مدري وش فيها حروفي !
ما تبي تكتب ( أحبك ).. !
ليتك .. الليله " معايه " ..!


ليمتى وهذي السوالف ؟
كل ما جيتك .. تخالف !
قول إذا عـ البُعد حالف
وما تبي ترجع لي ثاني !


قول ..
علمني ..
عشاني
لا تعلِّقني .. بـ دربك
بين قلبي .. وبين قلبك !
ما أبي أكثر .. أعاني ..
عـ الأقل , عطني [ نهايه ] ..!


من أماني لي أماني
في دقايق في ثواني ..
أحترق وأقول :
وينك ..؟
إيه وينك ..؟
وين عينك !
يمكن بـ لحظه أشوفك ..
ويمكن إنِّي ما أشوفك !
وبين كل يمكن ....
أموت !
وأرجع أرجع للسكوت
يعني أرجع للـ " بدايه " ..!


:


[فقط الأعضاء المسجلين والمفعلين يمكنهم رؤية الوصلات]



:


تدري وش يقهر غيابك ..؟
[ قلب ] في الغيبه سهر !
كل خلق الله إذكروني
وإنت ..
ما عندك خبر !


يعني ما هزِّك قصيدي ؟
كل ما تقرا ( جديدي ) !
ودِّي أسمع رَد / مُقنع :
وينك بـ عيد الفطر ؟


كيف من غيرك أعايد ؟
يـ اللي " متهنّي " بـ عيدك ..
عطني الحل المُحايد
فيدني ...
الله يفيدك !


لا حياتي /
هي حياتي ..
و الصبر ؟
وين الصبر !
راح مثلك يا غلاتي
وما بقى فيني [ عمر ] ...!


عيد ..
وإنت بعيد عنِّي ؟
بذمتك هذا إسمه ( عيد ) !
كل من جاني يهنِّي
قلت :
دونك مو سعيد ..!


بس ....
تذكَّرني بـ غيابك ..
والفَرَح يملي ثيابك :
عيدك مبارك حبيبي
وعيدي من غيرك ..
قهر !


:


[فقط الأعضاء المسجلين والمفعلين يمكنهم رؤية الوصلات]



:


تدري وش غيَّر غيابك ؟
غيَّر " غيابك " نصيبي !
غلطتك سدِّييييت ( بابك ) !!
و غلطتي ويَّاك : طيبي !


زين ما فكَّرت ....
فيني ؟
قبل لا تترك سنيني ؟
وش أسوِّي في " إيديني " ؟
ما تبي غيرك حبيبي !


من يشاركني حياتي ؟!
و " نصّي الثاني " ....
خذيته !!!
وش بقالي من غلاتي ؟!
وقلبي من شفتك ....
نسيته !!


من يحب إنسان ناقص ؟
ما معاه إلا " الجروح "
إنت في الغيبات راقص !!
وآنا [ موتي ] من تروح !


ما رضى قلبي جروحك
ليه ترضى لي جروحي !
إنت " أحزاني " طموحك !
وآنا أفراحك [ طموحي ] !!


:



:

[فقط الأعضاء المسجلين والمفعلين يمكنهم رؤية الوصلات]



- تدري ليه أكره غيابك ؟!
...... لأني في الغيبه / أموت
" ضيقتي " بعدك تجيني ,
و ( البُكى ) من غير صوت !


اسأل [ الضيقه ] : بديتي ؟
قالت إنّك فيها .... راضي ! .
دام قلبك صار – بيتي
لا يصير البيت { فاضي }


في غيابك شوف وجهي . . .
أدري متغيِّر عليك ,
كل شي " منّك " وحشني
: كل تفاصيلي تبيك :


ليه أشوفك في ( منامي ) ؟
ودوم أحس إنّي بـ جنبك ؟
لو نويت / أقسى .... بـ كلامي .!
أفقدك أكثر , و أحبك


تدري لو بيدي ؟؟ .. : كرهتك
بس هـ الشي مو بـ إيدي !!
شوف بـ غيابك [ مدحتك ]
و – ما رضى . يذمِّك قصيدي


:
:

[فقط الأعضاء المسجلين والمفعلين يمكنهم رؤية الوصلات]




تدري وش " يحرق " غيابك ؟؟
إللي جايب لي / التعب ... ؟
( يحترق قلبي ) , لأنه :
قلب حبي .. من خشب !



لا تشب النـار فيني . . .
وتشعل , أيامي , و سنيني
يا حبيبي كنت : أبكي :
و ما تطفّي النار - عيني !


حبي لك مثل " السحابه "
أعشقك و أروي ترااابك
مادريت ( الحُب غــابه )
و إنت / ممنوع إقترابك


ما سمعت أصوات غيرك ... .
كنت أسمع بس [ صوتك ]
هذا شرّك , وين خيرك ؟؟
- ما تخاف إني أفوتك !



كلمة توصف لك عذابي ؟
يحرق إحساسي : غيابك
صرت أقرب من ثيابي .
و تحسد عيوني ثيابك !


صوتي , الباقي ( معايه )
و صوره { بروازها سكوتك }
إنت عايش ! في النهايه .......
و آنا بـ الفرقى : أموتك


يتبـــــــــ؟؟ــ!!ــــــع


:

حنين الماضي
0 26th December 2009, 12:0:34 AM
[فقط الأعضاء المسجلين والمفعلين يمكنهم رؤية الوصلات]


:


تدري وش شفت بـ غيابك ؟
شفت وش يعني { السواد }
تلبس إنت الثوب الأبيض
وألبس " ثياااب " الحداد !



ينتكس لـ إحساس فيني
- ما أشوفك ! وين عيني ؟
قلت للفرحه : أجي لك ؟
قالت آسف : لا تجيني !!


كنت أحلم في [ الخيانه ]
وصرت أشوف الحلم دايم !
يالله عاد / إكذب أمااانه
وقول إني كنت : نااايم !


الغياب . . . أثّر علي
ما أتحمّل . . أي شي !!
موتي كل لحظه أشوفه
ليه جبت الموت لي .؟


البقى براسك يا غالي
وعظّم الله فيك , أجري ..
في غيابك هذا حالي
في إيدي أحفر لي قبري !


:











[فقط الأعضاء المسجلين والمفعلين يمكنهم رؤية الوصلات]





ليه وربك ؟
من تخون ؟ ومن عشانه ؟
من هو يسوى في عيونك
من هو أشغل فيك ذنبك
وغيّر إخلاصك " لسانه " !



ياه يا صدقي ويا كذبك
أعتبر هذي . . . إهانه !
{ الأمانه } قلب حبك
وإنت , ما صنت الامانه


تعتقد . . هذا جزاي ؟
طعنتك جت من وراي
وقلبي ينزف لك حنانه !
روح له وعطني وفاي ,
رجّع إحساسي مكانه


وإنتفارق , في هدوء
ما نعيد . . الإسطوانه
إنه بعض الظن سوء
وإنه بعض الحُب إثم
عاشق وأطلب لجوء
شاعرك إطلق عنانه


لا تسولف لي عليهم


" النوايا و الخطايا "
حتى لو عندك سوالف
إحتفظ فيها لـ [ نفسك ]
إنت مجرم في عيوني
وثابته فيك الإدانه !
قلبي لك فارس شجاع
ما ترجّل من حصانه
عاش لك في كل لحظه
ومات لك فارس زمانه










[فقط الأعضاء المسجلين والمفعلين يمكنهم رؤية الوصلات]



:


تدري وش قوّى غيابك ،
" قلب " عذّالي . . علي !
يا هواي إللي بـ صدري
أختنق - لو فيك شي !!



لا يموت "الحُب" فيني
وإنت في غيابي تعيش !
بس أبي عينك بـ عيني
وقول : هذا صار ليش ؟


من خذاك ومن خذاني !
من بكى لي ومن بكى لك !
إفهم الجمله : عشاني ،
يحكي عنّك من حكى لك .


أدري تسأل وش بسوّي ،
{ كل حادث له - حديث }
ما يعكّر - صفو جوّي :
لا ( خبيثه ) ولا ( خبيث )


إنت في الغيبات تَلهو !
وآنا في قلبك - فخوراً
فاز بـ اللذات ، منهو :
كان يا عمري " جسوراً "


:







[فقط الأعضاء المسجلين والمفعلين يمكنهم رؤية الوصلات]




:


أتنفّسك
وأحلم بـ أنّك لي : هوى
- ماسك يدي -
نمشي سوى ..
عطرك على ثيابي نوى ،
وإيدك ، تبيني ألمسك !



هذا العطر إللي أحب
صدرك رحب !
ما تزعل عيونك علي
شاريني بايع كل شي
كنّي مطر
وإنت [ السحب ]
أدعي لك : الله يحرسك


غمّضت عيني فـ المنام
ما به ظلام !
نورك يخليني أشوف
أحبك بـ كل الظروف
أشعل أحاسيسي كلام
أقطِفْك ،
وفيني أغرسك


نايم وما أصحى { ياليت }
يـ إللي بغيت ،
ما فيه " غيرك " يا غلاي
في حلمي ويومي معاي
وشلون أتنفّس ؟ نسيت !
- علمني كيف أتنفّسك





:






[فقط الأعضاء المسجلين والمفعلين يمكنهم رؤية الوصلات]




:


تدري وش يكتِب غيابك
صفحة أيامي : الأخيره :
إستخار القلب بُعدك بس ،
ما حسيّت خيره !


إنت راضي !
وإلا قلبك من شعور الحُب فاضي ؟
ما أبي أكثر أحبك ،
وما أبيك تصير ماضي


إعترافي
لك حقيقه ما يخون الجرح ، وافي
جرحي من غيرك رفيقه ؟
يا حبيبي [ بس كافي ]


شفت ناتج هـ الخطايا ؟
كل شي ميّت : بـ عيني
ما أبي منّك ( هدايا )
لأني أصلاً .. ما أبيني


سافَرَت عنّي عيونك
وصوتي يبكي من سكوتي
يوم ميلادي بدونك
صار عندي [ يوم موتي ]

[فقط الأعضاء المسجلين والمفعلين يمكنهم رؤية الوصلات]


:
ممآ آعجبني ورآق لي

للمبدع آحمد آلصآنع

/
،/
،،

المحارب10
0 26th December 2009, 12:0:19 AM
الله الله الله

هتان ولا أروع منه

تسلم الأيادي اختي حنين الماضي

أنتقاء ذوق من استاذة الذوق

دمت بعز ونقاء

بدوي رومانسي
0 26th December 2009, 06:0:21 AM
فدوه لك جرحي ..

وضيقي
المهم قلبك يحب ..
تدري وش موتي الـ حقيقي ؟!
[ من حياتي تنسحب ] ..
********
شكرا لك أختنا الرائعة حنين على هذه الباقات الندية المعطرة
بالإبداع والجمال
ولك شكري

أراسيل
0 26th December 2009, 09:0:02 AM
تعجز الكلماتـ... عنـ.. وصفـــ... روأع أبداعكـ....اختي حنين

كلمـــاتـ... في غــــاية......الروعه........و الجمـــــــال

ولا حــــــرمنا....... روعــــة..... عطائـــكِ

لكِ... مني..... أرق التحايا....... واعذبها

زائرة مكة
0 26th December 2009, 10:0:24 AM
و الله الغياب ما يحس بيه غير لي ذاق طعمه
و خصوصا الغياب الابدي
حنين
بارك الله فيك

ريـــانة الغصن
0 26th December 2009, 10:0:19 AM
[فقط الأعضاء المسجلين والمفعلين يمكنهم رؤية الوصلات]

منْ غيابكْ السلامه

فيها قلبي ما رسى
لا صباحي هو صباحي
ولا مسا قلبي / مسا

لحظة,,

هربت فيها دمعة من عيني ّ اللاتي أرقهن السهر,,


[فقط الأعضاء المسجلين والمفعلين يمكنهم رؤية الوصلات]


يا حبيبي في .. غيابكْ

إختلفْ شكلي ولوني
صرتْ أنا إنسان / ثاني
والسَهَر تعّبْ عيوني

كيف لا نتغيــّـر وقد غزا الحزن عروقا ً كنت أنت فيها الحياة؟!!

كيف لا نكون غرباء,, عنا,, عن غيرنا,, وقد فارقنا من نجد معه ذاتنا؟!!

وكيف لا يسكن الشحوب عيوننا بعد أن فارقها الكحل؟!!



[فقط الأعضاء المسجلين والمفعلين يمكنهم رؤية الوصلات]


كلمة توصف لك عذابي ؟
يحرق إحساسي : غيابك
صرت أقرب من ثيابي .
و تحسد عيوني ثيابك !

حتى لو أردنا النسيان,, ها هي ذي الأثواب تذكرنا,,

فقد أعجبك هذا اللون,, ومثل هذا الثوب,,

غبت,, وغاب عن ثيابي إعجابك بثيابي,,

ولم يغب عن ثيابي صوتك الحاني,,

حنين الماضي
0 26th December 2009, 11:0:00 PM
الله الله الله

هتان ولا أروع منه

تسلم الأيادي اختي حنين الماضي

أنتقاء ذوق من استاذة الذوق

دمت بعز ونقاء

شكراً لكلماتكِ أخي الكريم المحارب10

ولعلّي استحقـّـها ...

كلّك ذووووق ...

/
،

حنين الماضي
0 04th March 2010, 11:0:12 AM
فدوه لك جرحي ..

وضيقي
المهم قلبك يحب ..
تدري وش موتي الـ حقيقي ؟!
[ من حياتي تنسحب ] ..
********
شكرا لك أختنا الرائعة حنين على هذه الباقات الندية المعطرة
بالإبداع والجمال
ولك شكري


الشكر لك للمرور المتألّق والبصمة الطيبة

التي تتركها دوماً في مشاركاتي

لاعدمنا تواجدك الوضّااااء

،،

خــيــآل
0 04th March 2010, 07:0:21 PM
تدري وش شفت بـ غيابك ؟
شفت وش يعني { السواد }
تلبس إنت الثوب الأبيض
وألبس " ثياااب " الحداد !
،
/

... لااستطيع سوى قول
ما أروع ذائقتك ...
اختيآرآتك لهآ ايقاع ونغم
وخجل منك حقـا القلم ..
لك =)
أطيب التحآيآ..

حنين الماضي
0 08th June 2010, 03:0:19 PM
تعجز الكلماتـ... عنـ.. وصفـــ... روأع أبداعكـ....اختي حنين

كلمـــاتـ... في غــــاية......الروعه........و الجمـــــــال

ولا حــــــرمنا....... روعــــة..... عطائـــكِ

لكِ... مني..... أرق التحايا....... واعذبها

شكراً لوجودك وروعــة مروركِ أراســـــيل

بوركتِ أختي وسلمتِ

،،

حنين الماضي
0 08th June 2010, 03:0:22 PM
و الله الغياب ما يحس بيه غير لي ذاق طعمه
و خصوصا الغياب الابدي
حنين
بارك الله فيك

الله لا يجيب غيااااب أختي زائرة

لا حُرمت مروركِ العبق

سلمتِ ياربّ

،،

حنين الماضي
0 08th June 2010, 03:0:14 PM
[فقط الأعضاء المسجلين والمفعلين يمكنهم رؤية الوصلات]



لحظة,,

هربت فيها دمعة من عيني ّ اللاتي أرقهن السهر,,


[فقط الأعضاء المسجلين والمفعلين يمكنهم رؤية الوصلات]




كيف لا نتغيــّـر وقد غزا الحزن عروقا ً كنت أنت فيها الحياة؟!!

كيف لا نكون غرباء,, عنا,, عن غيرنا,, وقد فارقنا من نجد معه ذاتنا؟!!

وكيف لا يسكن الشحوب عيوننا بعد أن فارقها الكحل؟!!



[فقط الأعضاء المسجلين والمفعلين يمكنهم رؤية الوصلات]




حتى لو أردنا النسيان,, ها هي ذي الأثواب تذكرنا,,

فقد أعجبك هذا اللون,, ومثل هذا الثوب,,

غبت,, وغاب عن ثيابي إعجابك بثيابي,,

ولم يغب عن ثيابي صوتك الحاني,,


ما أروع مروركِ أختي

ورونق كلماتكٍ

شكراً لتواجدكِ في صفحتي

،،

ظل السحاب
0 24th June 2010, 02:0:18 PM
من حنين الماضي ومن غياهب الغياب اعود لأجد نفسي في احضان كلمات لها فخامه وقامه ولها رونق وبيرق ولها من الأحساس بدون حد وقياس

الف شكر ايتها المتالقه

إعتبرني .. حلم / واقع
وإلاَّ ظلٍ ما يطوفـك


ضاميٍ عطشان .. جيتك
لا يعشمني سرابك ..!


رااااااااااااااااااااااااااااااائعه

حنين الماضي
0 16th September 2010, 01:0:00 AM
تدري وش شفت بـ غيابك ؟
شفت وش يعني { السواد }
تلبس إنت الثوب الأبيض
وألبس " ثياااب " الحداد !
،
/

... لااستطيع سوى قول
ما أروع ذائقتك ...
اختيآرآتك لهآ ايقاع ونغم
وخجل منك حقـا القلم ..
لك =)
أطيب التحآيآ..

ما أروع وأصدق أحرفك أختي خيااال
يشوقني عبق كلماااتكِ الشفافة

شكراً للمرور

،،

حنين الماضي
0 16th September 2010, 01:0:45 AM
من حنين الماضي ومن غياهب الغياب اعود لأجد نفسي في احضان كلمات لها فخامه وقامه ولها رونق وبيرق ولها من الأحساس بدون حد وقياس

الف شكر ايتها المتالقه

إعتبرني .. حلم / واقع
وإلاَّ ظلٍ ما يطوفـك


ضاميٍ عطشان .. جيتك
لا يعشمني سرابك ..!


رااااااااااااااااااااااااااااااائعه

التألّق والروعـــة بوجودك ومرورك أخي الكريم ظلّ السحاب

شكراً للمرور الطيّب

سلمت دمت بخير

،،

abuferas3000
0 17th September 2010, 03:0:55 AM
كلام اكثر من رائع

حنين الماضي
0 19th September 2010, 02:0:05 PM
الروعة منكم وفيكم أخي الكريم أبوفراس

شكراً للمرور الطيّب

،،