المساعد الشخصي الرقمي

مشاهدة النسخة كاملة : قصه وقصيده الاخو المطوع والاخو الثاني الهواوي الي يحب الصيد والقنص


جريح الوقت
0 25th February 2010, 11:0:15 PM
كان فيه اثنين اخوان الكبير مطوع والصغير راعي وولـع وصيـد
كان الكبير يجلس بالمسجد والصغير يطلع يصيد ويروح يم عمته بعيده شوي عنهم مو عندهم بنفس الديره يروح يخدمهـا ويقوم بواجبها ولها بنت وكان الصغير عاشق هالبنت على وضح النقآء
المهم تجمعو الاخوان بعد صلاة العشاء ويجي الاخو الكبير قآل طلبتك يعني اخوه الصغير قال الصغير افااا انت اخوي مطوع واكبر مني وتطلبني لا والله انت تآمر امر قال الاخو الكبير انا والله ابروح حجاج لمكـه وابيك تمسك المسجد عني لين ارجـع قاله الاخو الصغير كم تجلس قال نشد الرحايل ونمشي يبيلنا ثلاث شهور ونرجـع قال الاخو الصغير رح والله يسهل دربك المهم نامو وقامو الصبح يوم جو للمسجد لقو اهل الركايب اللي يبون يم مكه عند المسجد مبركين نيآقهم صلـو ويجي الاخو الكبير يقول لجماعة المسجد احلوني وابيكم تعذروني انا ابروح لمكـه احج
قالو له الجماعه الله يستر عليك بس ما ندري من يصليبنا بعدك قال اخوي الصغير
وهم يتلفتون خابرينه راعي ولع وصيد المهم راح الاخو الكبير وجلس الاخو الصغير يصليبهم يوم يومين مر اسبوع ما راح يم عمتـه تعجبت بنت عمته انه اسبوع ما مر عليهم راحت البنت لـ امها قالت فلان ما جانا له اسبوع الله يستر لا يكون فيه شي من امور الدنيا قالت امها انا ابروح بسئل عنهم واجيب لك الخبر
جت عمتهم الديره تسئل عنهم قالو لها واحد راح للحج والثاني يصلي بالجماعه بالمسجد قالت اللي راح اكيد انه الصغير قالو لا والله اللي راح الكبير المطوع قالت عمتهم يعني الصغير يصلي بالجماعه قالو لها نعم قالت سبحان الله يهدي من يشاء خابرته راعي ولع وصيد رجعت العمه لـ بنتها قالت ابشرك انه بخير ويصلي بالجماعه بالمسجد نيابة عن اخوهـ قالت البنت انا ما اصدق الا لين اشوفه بعيني
راحت البنت للديره تبي تشوف عشيقها الصغير تبي تتآكد بس وصلت المسجد الا هو داخل متآخر يبي يصلي فيهم العصر قال اقم الصلاة وهو يقول لهم استو وهو يتلفت لهم يبي يقول لهم اعتدلو وهو يشوف بنت عمته وهي فاتحه وجهها تبي تشوفه
يبي يقول اعتدلو وهو يقول ابيآت عفويه:



تعدلو يا اهـل القلوب المواليـف *****صيرو ورى القراي خمسه صفوفـي
احلف بربّ حيثم الغـرس محيـوف***** اللي مرجع بصر يعقوب بعد الكفوفي
انك من ملاين لابسـأت المشآريـف *****و الكاذب الله يا عسـى مـا يشوفـي


وهو يتعدل ويكبـر يوم صلو وخلصـو فيه ولد عمه مع الجماعه بالمسجد
قال له يا فلان لك اسبوع ما احلى من صلاتك بس اليوم ادخلت حديث بين
تكبيرة الاحرام والاقآمه انا طالبك انك تعيدهـ
رد عليه قال هذ1 حديث اسناده ضعيف جداً ولا يعآد

بدوي رومانسي
0 26th February 2010, 12:0:39 AM
تعدلو يا اهـل القلوب المواليـف *****صيرو ورى القراي خمسه صفوفـي
احلف بربّ حيثم الغـرس محيـوف***** اللي مرجع بصر يعقوب بعد الكفوفي
انك من ملاين لابسـأت المشآريـف *****و الكاذب الله يا عسـى مـا يشوفـي
ههههههههههههههه
الله يكون بالعون
وطلعته هالبنت شاعر بعد
مشكور أخي جريح الوقت وأرجو أن لا تطيل غيابك عنا

أراسيل
0 26th February 2010, 12:0:04 AM
قصه وقصيده راااااائعه

بارك الله فيك اخي الكريم

تحياتي لك