المساعد الشخصي الرقمي

مشاهدة النسخة كاملة : محشش يعدل أخطاؤكم اليومية ...


نفس مطمئنة
0 03rd March 2010, 08:0:05 PM
محشش يعدل أخطاؤكم اليوميه
محشش يعدل اخطاء الناس اليوميه يقووول ....


لاحظت وانا امشي في الشارع ولا اي مكااان وجود أخطاء سلوكية في حياتنا ...

فحبيت أن أوضح لكم الخطأ ... وأحاول أن أصلحه لكم بسلوك تربوي حضاري ...

بسم الله نبدأ ..


خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...

ثم ..

تقوله شيل الكتب .. ومرة ثانية فتح عيونك يالوح ..


خطأ : تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...

الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد الليلة ...

ثم ..

قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..

خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

.. الصحيح : تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة

ثم ..

طلع راسك مع الطاقه... واضحك ..

خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم

صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ...

هههههه الله يرجك والله لارد لك المقلب ..

الصحيح : تمسكه ... مع رجليه ... وتصبخه بالارض صبخ ... وتجيب علبة الببسي .. وترجه رجا مبرحا ... ثم تفتحه بوجهه ...

ثم ..

تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين ..



خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...


وتتركه ... وتلقاه حالقن نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...

ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) .. ثم ..

قل بينك وبين نفسك ... ماعمري أحلّق عنده ...

خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...

الصحيح : تاخذ لك بلكّه ... وترميها عليه ... إن ضربته ... فهو خير ونعمة ...

وإن ماضربته ... خذ عصا .. وامسكه واجلده ...

إن صاح خير ونعمة ...

وإن ماصاح .. فاتركه ... ورح صل وخلص مشواريك... همن ارجع له .. وتفرّغ له ...

أكيد مب متحمل لمين وقت الصلاة الثانية ... وعلى مسؤوليتي بصيح ...


خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي

يفحطون حالها حال المطبات يعني]


خطأ : ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...

ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..

الصحيح : دق على محل صحون دشاشه ... وقله نبيك تجي تركّب لنا الطبق بالسطح ... ولاتنسى تجيب الدريل معك ... لأننا بنركب 15 دش .. الليلة ..

ثم واصل للصبح ...

خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع ؟؟

الصحيح : صكه بالصينية ... ولحقه ببياله والا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ... <<ماعنده وقت هههههههه



***************

الله لايطرحكم بواحد زييه ههههههههه

!~¤§¦عذبه¦§¤~!
0 08th March 2010, 12:0:57 AM
لا عاد تنزلين مواضيع محششين بهالحلاوة تالي نحبهم
ان عدتيها يا نفس مطمئنة ترا بالــ :th1 (92):
:th1 (159):








خوش نصايح تنفع اوقات مهوب شينة :th1 (76):
‘,

قمره
0 10th March 2010, 05:0:41 AM
ههههههههههاي



ياحلو سوالف المحششين



تشكراات اوي

نفس مطمئنة
0 12th March 2010, 12:0:34 AM
عـــــــــــــــــذبة
قمــــــــــــــــــــــــــــــرة

مشكورين على المرور بارك الله فيكم ...

فويز بن سوداء
0 12th March 2010, 02:0:12 AM
هههههههههههههههههههههههههههه

هذا طايح فالاصلي00000

بارك الله فيك يانفس

نفس مطمئنة
0 15th March 2010, 09:0:04 PM
ويبارك فيك ياأبو منصور تشكر على المرورالعطر...

زائرة مكة
0 16th March 2010, 11:0:10 AM
ههههههههههههههه

هههههههههه
اضحكتينا
باركـ الله فيكـ

نفس مطمئنة
0 18th March 2010, 07:0:47 PM
ان شاء الله دوم هالضحة يارب
باركـ الله فيكـ

star
0 18th March 2010, 09:0:10 PM
الله يستر هذا محشش ومرفع
تسلمي لنا الله يفرح لك الايام ويسعدك
تحياتي لك

ريـــانة الغصن
0 22nd March 2010, 10:0:09 PM
ههههههههه

أضحك الله سنك يا نفس,,

وإن شاء الله ترجعلينا مرة تانية,,

ونضل نضحك سوا,,

سندس 2009
0 29th October 2011, 12:0:10 AM
ههههههه

اضحك الله سنك اختي الكريمة

مشكووووورة

نفس مطمئنة
0 31st October 2011, 09:0:21 PM
كل الشكر لكم ع مروركم الكريم أعدني تواجدكم