المساعد الشخصي الرقمي

مشاهدة النسخة كاملة : يذوب الليل بـ عيون الغريب


moonshadow
0 27th March 2010, 03:0:57 AM
يذوب الليل بـ عيون الغريب ..... وتنطفي ناره ..
.......................... ويطيح الحلم من عالي سماه وينكسر نوره ..





يسولف لـ الدروب اللي شكت من طول مشواره ..
.......................... عن طعون القريب و دمعتين وآه مكسوره ..





عن المنفى .. عن ذنوب الزمان .. وقبح أعذاره ..
.......................... عن الآمال والهقوه .... وروحٍ فيه مقبوره ..





عن اللي يشكي الغربه وهو عايش وسط داره ..
.......................... عن اللي شاف بـ عيونه أخوه يخون دستوره ..





عن المجهول والواقع .... عن اللي بيح أسراره ..
.......................... عن اللي مع حبيبه شاف غيره ماخذن دوره ..





يسولف عن كثير أشياء .... ضيّع لـ أجلها ثاره ..
.......................... وطيح برجه العاجي ... وقلعة حلمه وسوره ..




يكابر .. والآلم ينطق .. قبل تسأل عن آخباره ..
.......................... يحاول يبتسم والضيق يكمل باقي الصوره ..





بـ ذنب الغير يتحاسب وحالــه شبه منهاره ..
........................... ويردد كل ماضاقت عليه الأرض مشكوره ..





يطيح الليل من عين الغريب .... وتنطفي ناره ..
.......................... و يموت الحلم في عالي سماه و ينكسر نوره ..


اتمنى مانقلته ان يروق لكم

همس القلوب
0 27th March 2010, 04:0:39 AM
راق وإلا ما راق

رائع ويكفي أنه راق لك

زائرة مكة
0 27th March 2010, 02:0:04 PM
ماراق لك راق لي
الله يعطيك العافية

نبع الوفاء
0 27th March 2010, 09:0:54 PM
سلمت يمينك على النقل ..
لك مني ارق التحايا العطره

moonshadow
0 30th March 2010, 07:0:31 AM
همس القلوب
زائرة مكة
نبع الوفاء

تسلموون على مروركم وردكم الجمييييل

اعطر التحايا من الأعماق لتواجدكم الروووعة