المساعد الشخصي الرقمي

مشاهدة النسخة كاملة : قلبي مدينة


ريـــانة الغصن
0 28th March 2010, 04:0:30 PM
المدينـــــ ــة

ما تغيَّر شي . . . لكن ! صار " فاضي " هـ المكان .
يعني إنتَ شفت قلبي ؟ طحت مِنْ عيني و / عينه

[ كان ]
لك قلبي
- مدينه
ولاحظ إني قلت :
كان !
يعني إنتَ الحين واحد :: خارج حدود [ المدينه ] ::
[فقط الأعضاء المسجلين والمفعلين يمكنهم رؤية الوصلات]
ليه مستغرب كلامي ؟؟ وليه أعطيك الأمان ؟؟
وليه تَكْذِب في كلامك ! العذر وينك و وينه ؟

ما ألومك .. كان " قلبك " ثارت أمواجه و / خان
الخطا منَّي , لأني . . . : صرت في بحرك ( سفينه )

والسؤال اللَّي كتمته ..؟ وما نِطَق فيه اللسان
{ كيف إيدك إطعنتني وآنا أحْسِبْهَا أمينه ..؟ }

جرحي .. ما يرضيه قلبك .. لو يجي كلِّه حنان !
لو - تبوس الجرح فيني . ولو - تقبّلْهَا إيدينه .

يُوم أحبك ؟, قلت كلمه : ( يكرَم المرء أو يُهان )
وإنتَ قلبي ما كرمته ! وما قدرت إنِّك [ تهينه ]

عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا إبن اللذينه

طاب خاطر قلبي منِّك . . . وهذي الفرقى رهان
حتَّى لو قلبي يحبك . / - ربِّي . . بفراقك يعينه !

تدري لما قلت أحبك ؟ قلت .. وما عندي ضمان .
وإختياري كان ( خاطىء ) تجربه بالحييييل شينه

كنت تخطي .. وكنت أسامح .. مرَّه : مرتين : وثمان !
أدمَح الزلّه - عشانك .. وأكتِم أنفاس .. الغبينه

كنت أحبك ’ كنت أعزّك ’ والغلا فيني جبان
خاف تزعل لو , ألومك , ضعت ما بينك وبينه

في عيون الناس " عادي " بس في عيني ؟ / جنان
وكان قلبي من يشوفك تفضحه . . نظرة حنينه . .

ماني أوَّل من يحب ..... . ومنتَ آخر شخص . ..... خان !
المحبه في زمانك ؟ بحرها ^ من غير مينه ^

الفشل .. كان النتيجه وأعتقد آن الأوان ,
أبني - مستقبل حياتي . و - أنسى قصتنا الحزينه .

خطوتي الأولى ( غيابك ) راح أطبّقها عشان :
" يبكي قلبك لا فقدني والندم .. يملي سنينه "

جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينه .

قلت لك قلبي [ مدينه ] فيها لك :: حشمه وشان ::
لكن إنتَ الحين – أغرب .. شخص ! في هذي المدينه

نبع الوفاء
0 28th March 2010, 04:0:06 PM
قصيده حزينه .. ابكتني
غاليتي ريانه الغصن شكرا لأختيارك
يعطيك العافيه

خــيــآل
0 29th March 2010, 02:0:21 AM
الفشل .. كان النتيجه وأعتقد آن الأوان ,
أبني - مستقبل حياتي . و - أنسى قصتنا الحزينه .
،
/
يآآآآآآآآآآآه يآريآنة ..
نقل موجع جدآ في النفس ..
بوركتِ يا غاليه .. آختيآر موفق

زائرة مكة
0 29th March 2010, 02:0:45 PM
حزينة جدا
و كلمات مؤثرة جدا
و الله الحب يخلي الانسان يسعى للتضحية
بأي شئ
ريانة الغصن
بارك الله فيك

ريـــانة الغصن
0 29th March 2010, 03:0:59 PM
قصيده حزينه .. ابكتني
غاليتي ريانه الغصن شكرا لأختيارك
يعطيك العافيه

عوفيت ِ من كل حزن وأذى غاليتي نبع الخير,,

بإمكاننا جعل بعض التجارب الأليمة في حياتنا كحكمة لنا ,,

نلجأ لها لبعض الوقت,, نستمد منها بعض قوة فقدناها بالأمس,,

دمت ِ عين الله ترعاك ِ,,

ريـــانة الغصن
0 29th March 2010, 03:0:54 PM
الفشل .. كان النتيجه وأعتقد آن الأوان ,
أبني - مستقبل حياتي . و - أنسى قصتنا الحزينه .
،
/
يآآآآآآآآآآآه يآريآنة ..
نقل موجع جدآ في النفس ..
بوركتِ يا غاليه .. آختيآر موفق


بوركت ِ غاليتي خيال القلب,,

فلنجعل هذه المواقف المؤلمة محطة تنقلنا لموقف آخر,,

تبهج به الروح,, ويرتاح له القلب,,

بعد عناء سفر البعض من دروبنا,,

دمت ِ عين الله ترعاك ِ,,

ريـــانة الغصن
0 29th March 2010, 03:0:38 PM
حزينة جدا
و كلمات مؤثرة جدا
و الله الحب يخلي الانسان يسعى للتضحية
بأي شئ
ريانة الغصن
بارك الله فيك

بوركت زائرة مكة الخير,,

لكن ,,

بــِـم َ نضحي؟؟!!

إن الغالي لا يــُـضحى به,,

ولمن نضحي ؟؟!!

وهل يستحق منا الجميع التضحية لأجلهم,,

وهل هناك من يضحي لأجلنا ؟!!

أعرف جيدا ً أنها بعض أسئلة ,, تبحث عن أجوبة منذ سنين ولا مجيب,,

ولن يكون هناك من يجيب,,

دمت ِ عين الله ترعاك ِ,,