المساعد الشخصي الرقمي

مشاهدة النسخة كاملة : @ياوجد روحي وجد من هو فقدها@


فويز بن سوداء
0 24th April 2010, 07:0:08 PM
ياوجد روحي وجد من هو فقدها=بكره عليها لين اموت اتوجد
لو البكار الحمر يكثر عددها=اوصافها في غيرها ماتعدد
جاني خبرها يوم جاها وعدها= ليت الخبر عن موتها ماتأكد
عيني مثل مزنه تساقط بردها=والنار في صدري سببها توقد
يوم اذكر الفرحه ورقصة سعدها=اليا سمعت صوتي وجتني تودد
واذكر ليا غادرت دمعة نكدها=ماغير عنها فالمراح اتصدد
كانت تجاوب صوتي اللي قصدها=واليوم صوتي من صداه يتردد
ضاقت عليه الارض من هو فقدها= بكره عليها لين اموت اتوجد

أراسيل
0 24th April 2010, 08:0:29 PM
صح لسانك اخي ابو منصور ولاهنت

قصيدة جميله يغلفهاالشجن واحساس حــزين الله يعطيك العافية


*

*


*


*


اخي أبو منصور نفتقد حس المحاورة هنا في هذا القسم

اتمنى منك ومن الشعار الموجودين محاورة نستمتع بها لو تكرمتو ^_^

وتقبل خالص شكري وتقدري لك وللجميع

ابوبدر
0 24th April 2010, 08:0:12 PM
صح لسانك فويز( ابومنصور)

وعوضك الله خيرا منها .......... احترامي

ريـــانة الغصن
0 24th April 2010, 09:0:20 PM
صح لسانك ولا أراك الله مكروها ً بعزيز,,

قصيدة راااائعة للغااااية,,

ووصف المشاعر التي انتابت المتحدث عند سماعه بالخبر

وصفا ً دقيقا ً ,, مؤثرا ً ,, إن دل فإنما يدل على إبداع الشاعر,,

لا هنت,, ولا هان قلمك أخي أبو منصور,,

ننتظر المزيد من إبداعاتك,,

الوهاااج
0 24th April 2010, 11:0:48 PM
قصيدة شامخة لانستغربها على شاعرنا العذب فويز

سلمت اناملك وصح لسانك اخي الكريم ونحن دائما في شوق لجديدك

خالص التحية

جمعان الطلحي
0 25th April 2010, 12:0:42 AM
صح لسانك اخوي أبو منصور

وافيه من وافي

تقبل حضوري

دمت بخير

نبع الوفاء
0 25th April 2010, 12:0:20 AM
أخي الكريم فويز
صح لسانك وعلا شأنك ولا أراك الله مكروها ً..
وشكرا لك على ما تمتعنا به دوما من قصائد شامخه..
تحياتي ..

همس القلوب
0 25th April 2010, 01:0:50 AM
أبا منصور


صح لســـــــــــانك

ومعوض بخير

اللي جابها ييطول الله بعمره

و يجيب غيرهــــا

رجاوي
0 26th April 2010, 02:0:06 AM
أبو منصور

الله عليك متميز بحرفك الراقي
قصيده مؤثره تقطّع القلب
جميلة وجزلة
واااكثر من رااائعة
صح لسانك
ودام عطائك

المحارب10
0 27th April 2010, 10:0:09 PM
صح لسانك اخي ابو منصور ولاهنت

قصيدة حكت الكثير بداخلها

ودي لك

ღملاكღ
0 28th April 2010, 12:0:00 AM
كلمات نزفت بالألم والآهاات

أبو منصور

جعل السعادة تملئ قلبك

وأنار الله طريقك

وعوضك الله

وشرح الله صدرك

وأبعد عنك كل مكروه

دمت بحفظ الله ورعايته