المساعد الشخصي الرقمي

مشاهدة النسخة كاملة : ماكل من يركب على الخيل خيال


خــيــآل
0 10th July 2010, 08:0:24 AM
|| السلآم عليكم ورحمة الله ~

،
/

ماكل من يركب على الخيل خيال
ولا كل خيل تعجبك هي أصيـله

ولا كل من يعجبك هرجه برجال
بعض العرب ملسون وايده بخيله

الكل يلبس ثوب وشماغ وعقال
وعند اللزوم افعالهم هي قليـله

الرجل تثبت له أقاويل بافعال
لاقال شئ ونفذه هو دلـيله

والرجل لاشفته مع القيل والقـــال
ابعد عنه هذا صفاته عليــله

والكذب خله عنك مافاد لو طال
قول الصدق ياصاح غنم وجميـله

وخلك شجاع وذي صفات للابطال
اللي كما سيوف تبارق سليـله

واللي شراك اشريه لو كان بالمال
خلك معه وان مــــــال دور بديله

واصبر ترى الدنيا تبدل بها أحوال
وما كل شئ صافي تشـــــوفه تجيله

وبعد الكدر تشرب صفا عذب وزلال
هذا الزمن فيه استــــقامه وميله

وصاحب خليل لو جفـا الوقت مامال
ترى الرجل يعرف بقيمة خليـله

واقفل على سرك بكتمان واقفال
بعض العرب يسمع و ينوي بحيله

وخلك أمين إذا توليت الأعمال
من خان في يوم الحشر يا حليله

خل التواضع فيك واضح بالافعال
ترى الكبر يردي بيوم وليـله

ولا تحسد اللي عنده اموال وعيال
وش ينفعك لو كان حـــسدك يزيله

ولا تزور تقلب الزين بطـال
الله عليم بالنوايا الدخـيله

وخلك رزين ترى المخفه للاطفال
واصفح عن المخـــــطي ولو زاد قيله

واحمل همومك لو تزن وزن آلآثقال
بكره تروح وتنجلي لو ثقـيله

وصل الفروض ولا تنسيك آلآشغال
محدن في الدنيـــــا درى وش بقي له

وزور آلآقارب للرحم كون وصـــــال
وخلك عظيم الشان وسط القـبيله

وصلاة ربي عد ماهل همـــــــــــــال
على النبي اللي صفـــــاته جليله

،
/


تــ ح ــية لمن كــآن هنــآ

همس القلوب
0 10th July 2010, 08:0:37 AM
ولا تزور تقلب الزين بطـال
الله عليم بالنوايا الدخـيلة

تحيين وتدومين

صح لســان قائلها ويد الناقلة

مررت من هــنا

حنين الماضي
0 10th July 2010, 12:0:20 PM
واصبر ترى الدنيا تبدل بها أحوال
وما كل شئ صافي تشـــــوفه تجيله

،،

رائعة الكلمات والمعنى

شكراً لكِ ولذوقك ِ عزيزتي

،،

زائرة مكة
0 10th July 2010, 12:0:17 PM
قصيدة رائعة و قوية
صح لسان قائلها
تسلم يمناك يا خيااال على النقلة الرائعة

المحارب10
0 10th July 2010, 08:0:38 PM
اختيار ذوق

تسلم الايادي اختي خيال وبورك فيك

كأني شفتها مدري هي

دمت بعز

فيصل المطيري
0 10th July 2010, 09:0:15 PM
اختيار سامي وذوق رفيع اختي الفاضلة خيال

وتألق متواصل فيما تكتبين او فيما تنقلين

دمتي سالمة

عاصي
0 10th July 2010, 11:0:24 PM
قصيدة جميلة شكرالك

خــيــآل
0 11th July 2010, 07:0:38 AM
||| همس
جميل هذا الحضور الهآدئ كـ هدوء اليآسمين
شكرآ لك

خــيــآل
0 11th July 2010, 07:0:06 AM
||| حنين
مرحباً أيتها الـ (جميلة)
كثيراً عندما تأتين ..يكتمل معك ِ روعة الموضوع
شكراً لك ِ

خــيــآل
0 11th July 2010, 07:0:29 AM
||| زآئرة
أهلآ بك ِ أيتهآ الـ ( الصديقة )
جميل هذا الحضور
من الأوردة شكراً لك ِ

خــيــآل
0 11th July 2010, 07:0:40 AM
|| أبو خآلد
يمكن مشبه عليهآ
لك شكر يفوح عبيرآ

خــيــآل
0 11th July 2010, 07:0:07 AM
||| فيصل
حضور مشرف
لمرورك سحآئب من الشكر

خــيــآل
0 11th July 2010, 07:0:00 AM
||| عآصي
شكرا من القلب
لحضورك ِ

بدوي رومانسي
0 11th July 2010, 07:0:03 AM
قصيدة تفيض بالحكمة والتجربة
اختيار رائع يا خيااال
شكرا لك