المساعد الشخصي الرقمي

مشاهدة النسخة كاملة : نظام ساهر00


فويز بن سوداء
0 29th September 2010, 11:0:37 PM
نظام ساهر00 لاتزيد المعانات=ياآلة التصوير كوني رحيمه
الناس فيهم ناس تحتاج وقفات=وانتي هدفك اليوم جمع الغنيمه
فكره جديده للبشر توّها جات=تكشف مدى السرعه وترصد قسيمه
يالله عساها خير في كل الاوقات=لعلها تكشف خفايا عظيمه
زحمة شوارع والحفر والمطبات=منها نعاني من سنينن قديمه
تكاثرت بأسباب نصب الشركات=لين اصبحت في كل شارع مقيمه
راحت سبايبها مواتر وكالات=تكسرت من عقب كانت سليمه
البارحه يمكن الي خمس مرات=وفلاش ساهر مستلمني ظليمه
لامزود السرعه ولا اقطع إشارات=حتى ولا اتابع مسلسل حليمه
أي والله اشغلني بكثر الرسالات=والضغط مايحتاج نظره غشيمه
ليت الرقابه تتجه للمحلات=اللي تجارتهم خداع ونميمه
من يوم سمعوا فالرواتب زيادات=واسعارهم تزداد قيمه وقيمه
سعر الشعير وزاد عشره ريالات=غير الدجاج وغير سعر الكريمه
واهل الشقق زادوا بسعر الاجارات=واصبح قليل الوجد عايف حريمه
وان كبرت الدعوه وجات العلامات=انردها لاهل القلوب الرحيمه
من غير ابو متعب بوقت المهمات=له موقفن حازم ونظره حكيمه
اب ورحيم وله مع الشعب وقفات=وقفاته علاج الجروح الاليمه

أراسيل
0 29th September 2010, 11:0:06 PM
صح لساااااااااانك ابو منصور
قصيد ة اكثر من رااااااائعه
بارك الله فيك

تقبل مروري

خــيــآل
0 30th September 2010, 08:0:39 AM
ليـت الرقابـه تتجـه للمحـلات
اللـي تجارتهـم خـداع ونميمـه
...
ابو منصور
صح لسانك ولا هنت
أبيات عذبه ,, سلسة ..
لحرفك الورد ولإحساسك طول الأمد

المحارب10
0 30th September 2010, 10:0:01 AM
ابو منصور

صح لسانك ولاهنت على هذه الرائعة

تجسيد لواقع نعيشه ويالله تكون آخرتها خير

ودي ووردي لك

عاشق جريح
0 30th September 2010, 12:0:45 PM
صح لسانك أخي الكريم فويز ،،،،،،
قصيدة جزلة من شاعر جزل ،،،،،،،،،،



[فقط الأعضاء المسجلين والمفعلين يمكنهم رؤية الوصلات]

دنيا بن الـــوله
0 08th October 2010, 02:0:35 AM
صح لسانك

بصراحة احب الاشعار اللي تطرح مع القضايا الجديدة

وفقت بالطرح اخي

بس شكلك تصورت ههههههه من ساهر

الله يبعدنا عنه والله 500 ريال ماهي بسيطة

الله لايوفقهم

مجنون-ليلى
0 08th October 2010, 01:0:24 PM
تكـاثـرت بأسـبـاب نـصـب الشـركـاتلين اصبحـت فـي كـل شـارع مقيمـه
راحـــت سبايـبـهـا مـواتــر وكـــالاتتكـسـرت مــن عـقـب كـانـت سليـمـه
عز الله وانا اخوك انك صادق
الله يلعن الشركات النصابه
وين الحكومه عنهم
صح لسانك قصيده رائعه جدا
وانت شاعر مبدع
وتستحق التقيييييييييييم

الوهاااج
0 12th October 2010, 10:0:43 AM
صح لسانك وسلمت اناملك شاعرنا الرائع فويز بن سوداء على هذه القصيدة الجميلة

ذات الطابع المميزوالمفردات العذبة

خالص التحية

عاصي
0 12th October 2010, 11:0:22 AM
صح لسانك اخي قصيدة رااائعه

شكراً لك

رجاوي
0 13th October 2010, 03:0:21 AM
صح لسان شاعرنا فويز بن سوداء
وبيض الله وجهك
قصيده جزله من شاعر جزل
لاهنت