المساعد الشخصي الرقمي

مشاهدة النسخة كاملة : قصيدة وفاء


فويز بن سوداء
0 19th April 2011, 09:0:09 PM
السلام عليكم ورحمة الله وبركاته

يقال إن المعنى هو الذي يحرك المشاعر لدى الشعراء فمتى فُقد المعنى فُقدت القصيدة
ومتى حضر المعنى كانت القصيدة في مخيلة الشاعر
كان هناك موقف يشير الي المقوله السابقه حيث سمعت شخص يمتدح قبيلة المطارفه
ويمدح الشيخ ماطر بن رويزن المطرفي بشكل خاص نظير موقف حصل بين الاثنين
فكانت هذه القصيدة:0


يالشعر كم ناسٍ وناس استغلوك=في مدحهم بالكذب لفلان وافلان
طاوعتهم يالشعر لكن اهانوك=لجل مصالحهم قليلين الاحسان
ياما سمعنا المدح في كل صعلوك=ماله مع اهل الطيب رمزن وعنوان
حت الذي بابه عن الضيف مصكوك=كلن لمدحه صار عاشق وطربان
وان كان لك عزٍ وبه ناس عزوك=ابشر بعزك مع طويلين الايمان
ابا امدح اللي مدحه يعطر البوك =يرفعك عن سافه وتافه وغلطان
اللي بمدحه قلت يالشعر مبروك=اليوم لك قيمه وهيبه ولك شان
ماطر بيوت الشعر والبوك حيوك=يامرحبا ترحيب وافي ومليان
انت الكريم ابن الكريم انت وابوك=دايم يابو بندر للاجواد مزبان
لو الوفا مملوك للناس بصكوك=ماظن غيرك يملكه طول الازمان
راعي وفا مايلحقك ظن واشكوك=اقولها من قلب وشعور والسان
الله يرحم من على الطيب ربوك=من لايعرفك ماعرف طيب الانسان
وانا تر مالي مصالح وانا اخوك=اليا نويت امدحك كله عل شان
في ناظري تسو لك شيوخ وملوك=غصباً يابو بندر عل كل زعلان
والقصد الاخر قلت ابا اعطر البوك=من لا مدح مثلك من الناس خسران

ابوبدر
0 20th April 2011, 12:0:42 AM
صح لسانك ابومنصور ويستاهل ابو بندر

هذا المدح .. وهذه الابيات

زائرة مكة
0 20th April 2011, 12:0:29 AM
صح لسانك اخي فويز
ابيات جميلة
الله يعطيك العافية

عاشق ولكن
0 21st April 2011, 01:0:02 AM
صح لسانك ابو منصور

ويستاهل ابو بندر هذا المدح والثناء


تقبل مروري

سمو الباشا
0 22nd April 2011, 02:0:36 AM
صح لسانك

يستاهل الاخ ابو بندر

فويز بن سوداء
0 23rd April 2011, 12:0:16 AM
صح لسانك ابومنصور ويستاهل ابو بندر

هذا المدح .. وهذه الابيات

صح بدنك 00ولاهنت يابو بدر

والف شكر لك على مرورك العطر


احترامي

رجاوي
0 23rd April 2011, 01:0:47 AM
انـت الكريـم ابـن الكريـم انــت وابــوك
دايـــم يـابــو بــنــدر لــلاجــواد مــزبــان
لــو الـوفـا مـمـلـوك لـلـنـاس بـصـكـوك
ماظـن غـيـرك يملـكـه طــول الازمــان

الله ياأبو منصور
صح لسانك
وعلا بنانك
وفيت وكفيت
يستاهل أبو بندر هذا القصيــد
بارك الله فيك لا هنـــت

خــيــآل
0 24th April 2011, 05:0:53 PM
تعآبير وفاء تستحق الأحتفاء بها
×
راعي وفا مايلحقك ظن واشكـوك
اقولها من قلب وشعـور والسـان
الله يرحم من على الطيـب ربـوك
من لايعرفك ماعرف طيب الانسان
×
شعر سآمي جدا
صح لسآنك | فويز

فويز بن سوداء
0 01st May 2011, 01:0:09 AM
صح لسانك اخي فويز
ابيات جميلة
الله يعطيك العافية

صح بدنك 00ولاهنتي يازائرة


احترامي

حرمكه
0 14th May 2011, 04:0:30 PM
(سر ياقلم)


سر ياقلم مالي على الصبر طاقه
صبري تعدى الحد ماعاد ينطاق
أكتب لمثلي قصته واشتياقه
في خطك الواضح على بيض الأوراق
قصة حزين صافي الحر ذاقه
انا بذكره ماصله خاطري ضاق
باقو به الأصحاب والوقت باقه
وصار الضحيه بين باير وبواق
يمشي وهو ماحس في كسر ساقه
امسى على ساقين واصبح على ساق
مهذي سواة الوقت شين اصطفاقه
الوقت لو يصفى لك ايام دراق
لاشك يامن معك عقل ولباقه
بنصحك كان انك للأمثال تشتاق
صادق رجال يعرفون الصداقه
يقفون صفك يوم يبسات الأرياق
ومن يرغب فراقك فعجل فراقه
جاز الذي يجزيك أفراق بفراق
يقوله اللي جاير الوقت عاقه
ولازال في غيبوبة الهم مافاق
حظه على اقشر شي للنفس ساقه
بقبور الاحياء ينتظر يوم الأطلاق




(الشاور غشاني)
من بلاد الشام جينا بالمكينه
فوق فرت ماتخثع بالطماني
يحتدي مثل الجمل تسمع رطينه
مع طمان القاع مثل الثعلباني
والشفير من المدارس مطلعينه
عيدهي يجدعه جدع الحصاني
قذلة الطربوش ناطلها يمينه
عن ظلام الليل شب الكهرباني
ماتجيه يسار رجله شوف عينه
غير يسر الطاركي باليماني
يوم قال له الخوي عاشت يمينه
شد رجله للكمك واحد وثاني
يالله انك تنصره من نصر دينه
ان عطى له مع غبا والا بياني
قلت يالمطنوخ انا عيني حزينه
عن شراب اللف ابيه وعنك كاني
قد رمى بالكيس قدمي قال وينه
دوك مابالجيب عن شي لهاني
يقصد الكبريت معي منه عينه
قد منا تلت غراميل متاني
قلت ثالث قال يالله لاتهينه
قلت خامس قال قير يطلب نقل ثاني
قالت واحد والكمك ظام المكينه
قال لي من يرحم القاسي لياني
قلت والله يرحمونه صانعينه
قد زعلت من اللهيب اللي غشاني
قال ماتاثق بذمه مقننينه
عن مشاور غير عرفي قد كفاني
قاطع عرقين مدري وين وينه
قد وصلت الأرض واسمع صوت ثاني
يوم يرفع موخره قو المكينه
يرتخي صدره وانا الشاور غشاني
قلت دوك اللف خابو شاربينه
غطني عن شوف شي قد غشاني
قال عن وقلت بأيا لحينه
قال قل ناسي خوي مانساني
قلت عاش الشيخ واللي ناجبينه
عادة الطيب اليا جا الجد عاني

( لاتجربونه)

ياهل الونيت اللي يبي مشتل البيب
مادق صدره بالخطوط الغزيره
يوم يتخثع مع محير الأداعيب
يشدي تخثع جادل في حريره
لاتجربونه مايبي الفرت تجريب
قد جربه بالبيت الأبيض خبيره
عدوه لابن حزام سيد اللواعيب
لعاب زينات البيوت العسيره
ثم قل لقاعد مانبي منه تدريب
الوقت دربنا على كل سيره
لو كل من قاد السبب يعلم الغيب
ياما كرهت النفس من باب خيره
ان قفت الأيام ماها مغاريب
واليا اقبلت يازين صافي غديره
قل له رميت الكيس بين الشواريب
واليوم ادوج مالقيت اتعميره




(لاتسقط شرفها)
الله من شي بحالي نحفها
من مالجى بالقلب حالي نحيفه
من كثر ماتكتم تزايد تلفها
بين كداها بالعروق الصخافي
كم واحد له حاجة ماصرفها
يصد عن صرافها لايضيقه
يخاف لايقضب نديم طرفها
قلبه صدى واطراف جسمه نظيفه
والله خلق بيد الذلول وعسفها
للي يبي المنهاج مثل القطيفه
والفضل للي مدها ماقصفها
وانهج من الدار المحل للمريفه
وانصحك ياللي غرته ماعرفها
شيب تشيب مايحول رديفه
رديفها يركض ويركز هدفها
وقت يقص العظم من حد سيفه
وان جتبك الدنيا وجابك صدفها
لاتعتزي بأهل النفوس الضعيفه
وأنصحك نفسك لاتسقط شرفها
ترى بعض بيض المجالس مجيفه




(خبيث التجاره)
لاوالله الا طولن بالوقوفي
عيا يحملهن خبيث التجاره
بفلوسنا ياعبيد ماش معروفي
متى نجي ياعبيد مع خشم صاره
ياركب من فوق صاف البلوفي
مقعد امبير الزيت نيم الحراره
فراق مابين القلوب الولوفي
فرت كما وبل السحايب غباره




(شيب الفلاحي)
بديت ذكر اللي بسط سبع بوتاد
واللي رفع سبع بليا عمدها
والكار للي صار غيث للأجواد
لاقبلها صارت ولا من بعدها
زايد على كل العرب بالوفاء زاد
ساق المراجل لين وقف عددها
حلحيل حلو مر زراع حصاد
كبد يداويها وكبد لهدها
ولي عجوز من ورى شط بغداد
سمت على شيب الفلاحي ولدها
تبغاه يطلع مثل زايد ولا فاد
ماكل من هاز الطويله صعدها
ياشيخ انا جيتك على غير ميعاد
من خوف روحي لايجيها وعدها




(صنايع يهود)
الا يانديبي فوق دوج عليه شراع
ماقال انفخ التشريق جاء في مواصيره
ليا هبت العليا وقام العجاج وراع
يهيظك مع السكه تزاوغ معاصيره
صنايع يهود لايبدل ولا ينباع
يقربك من دار ويبعدك عن ديره
بعد ماطلعوه مشيك مايبي المرجاع
سمع من وراه الفوج غنت مواطيره
ليا دق سلفه قام صوته يرج القاع
ماجاه المعاون يشتغل في مساميره
عطاه اثنين وداس بلأبنص وفاع
رزيمه رعد مزن تهلع دناقيره
خرط له بثالث عقب نشه بعزم وزاع
شتله برابع مايضيع تغاييره
ليا شال عزمه ريحه آمن مارتاع
مسك مع يمين الخط ويلد لأنبيره
نص جو سمنه مايبطنج مع الأرواع
منصيه شيخ ماتبطل جزازيره
على سلم جده مايشاور ضعيف الناع
يدلك بفعله كاثرات دواويره

برد الطائف
0 16th May 2011, 04:0:42 PM
مشكور علي القصيده الرائعه يا حر مكة