المساعد الشخصي الرقمي

مشاهدة النسخة كاملة : هاض الخفوق


فهد الظفيري
0 08th November 2011, 11:0:07 PM
هاض الخفوق وقلت لشعر هيهات
مافيه صمت وجيب بدع ومثايل
نوادرن تشفي غليلي ليا جات
مثل السيوف المرهفات الصقايل
عن ماجرا قلي وهات الخبر هات
صارت مصيبه من كبار الهوايل
فالح ترى امه في هموم ومعانات
وابوه حزنه في محانيه صايل
سجين وحموله حمولن ثقيلات
وينخا هل الفزعه عيال الحمايل
امكبلن بالسجن والسجن حسرات
تكفون ياحكامنا والقبايــل
وين الرجال اهل الظفر والمهمات
عتق ارقبه والاجر ماهوب زايل
تكفى واكررها عليك انت بالذات
يالفهمي تكفى ياعريب السلايل
اعفو عنه واجلب لاهله المسرات
واجرك عضيمٍ وانت راع الفعايل
امه من اجله بين دمع وتنهات
في جوفها والحزن صايل وجايل
تبي تحج لاكن للوقت دورات
خلا دموع امه على الخد سايل
فالح له الله ماحصل فيه مأسات
ماهو باقاصد لا ولاهو بعايل
صد وتغاضا عنه مره ومرات
وحاول يبعد في جميع الوسايل
لاكن ابليس ايشن للشر غارات
عور ويعمل للخلايق عمايل
ارفع يدي وادعي دعاء المناجات
عبدك ضعيف وللغرابيل شايل
بقعا تقوده للهلاك وللاموات
والمشكله لاصار مامن صمايل
لاكن يبين القرم والطيب وقفات
ماقول شي بمقحمين الدبايل
اليا حصل في بعض الاوضاع ميلات
امعربين الجد ماهم قلايـــل
ويالله يامرسي الجبال المنيفات
تفرج لمن حظه غدى اليوم مايلسهو بن سهو الظفيري

أبو سعود
0 09th November 2011, 01:0:41 AM
ويالله يامرسي الجبال المنيفات=تفرج لمن حظه غدى اليوم مايل

أمين يارب

ان شاءالله تفرحون بالعفو عنه في القريب العاجل

قصيدة معبرة

صح لسانك

فهد الظفيري
0 09th November 2011, 02:0:39 AM
ابو سعود كل الشكر

والله يسمع منك

رجاوي
0 09th November 2011, 04:0:40 AM
صح لسانك يالظفيري
قصيده جزله
تحكي مأساه سمعنا عنها
وعسى ربي يفرج الهمّ، ويكشف الغمّ، ويسّر الأمر يا ربّ العالمين

بدوي رومانسي
0 09th November 2011, 07:0:15 AM
قصيدة كافية وافية
صح لسانك ولا هنت والله يفرج عن سجينكم ويعتق رقبته والله كريم

زائرة مكة
0 09th November 2011, 01:0:20 PM
ابيات معبرة
اسال الله ان يفرج همكم
الله يعطيك العافية

ابوبدر
0 09th November 2011, 01:0:49 PM
الله يفرج همه

فهد الظفيري
0 09th November 2011, 07:0:49 PM
صح بدنكم
والله يرحم المتوفي
ويفك فالح الظفيري ويعتق رقبته

لا هنتو

عاشق جريح
0 09th November 2011, 11:0:46 PM
السلام عليكم ،،،،،،،،،،،
نسأل الله الرحمة والمغفرة والعفو للمتوفى ( الفهمي ) ولفالح الظفيري ولجميع المسلمين ،،،،،،،،،،،،
ونسأله أن تُعتق رقبة فالح وأن يلهم أهل المتوفى الصبر
والسلوان وأن يثيبهم خير الجزاء لقاء عفوهم إن شاء الله تعالى .........

المحارب10
0 15th November 2011, 03:0:37 AM
صح اللسان والله يفك الكرب ويعتق فالح

بدوي رومانسي
0 20th October 2012, 02:0:30 AM
مدري يا ظفيري شو صار مع فالح
ياليت تطمنا