المجد_15
17 Aug 2004, 04:17 AM
بسم الله الرحمن الرحيم
السلام عليكم ورحمة الله وبركاته
كيفكم واخباركم ان شالله طيبين
هذي قصه حاشي مراهق
كان فيه حاشي مراهق ممشوق القوام ابيض اللون كثيف الوبر
يمشي متبختراً بجماله <= ولا تقول توم كروز
كل همه يتسدح بين هالنياق وينهبل لا شاف البكار<=طبعاً ماشال هم الهيئه
مرت الايام وهو على هالحال همه أكل وشرب وغزل في هالنياق
يوم جاء ذاك اليوم الا ذيك الناقه اللي تشق الجبهه من زينٍ فيها جايه تبي تشرب مويه وما قدرت
تشرب ((( من زود الدلع فيها ))) لان النياق واجد على المويه .
قال الحاشي هذي فرصتي وقام وفتح الحنفيه حقت الوايت (( البزبوزحق الوايت ))
وقال لها : اشربي لعن ابو الشقى ياشيخه
والله وشربت الناقه لين ارتوت ومسحت على شفايفها بمنديل عشان الروج لا يتلعوط
وقالت : الله يعطيك الف عافيه والله اني كنت شايله هم الخف حقي لان الكعب عالي شوي
واخاف ازلق في المويه
قال الحاشي :
على شانك تحملت الصعاب *** اذوق المر لأجل رضاك حالي
ابتسمت الناقه وصكته بذيك النظره اللي بغت تجيب اجله بها .
تنهد الحاشي وقال :
الله اكبر كيف يجرحن العيون *** كيف ما يبرى صويب العين ابد
احسب ان الرمش لاسلهم حنون *** واثر رمش العين ماياوي لاحد
يوم روّح لي نظر عينه بهون *** فزّ له قلبي وصفق وارتعد
ضحكت الناقه ودرت ان الضعيف راح في خرايطها معها
ديورت الناقه وعطته وراها ومشت على هونها وهي تومي بذيلها يمين ويسار
وقلب الحاشي وده يطلع من بين ضلوعه ويروح معها
قال الحاشي :
آآآآه وانعطف هاك الشعر فوق المتون *** وانثنى عوده وقفى وابتعد
طال الليل على خوينا الحاشي متى يجي الصبح ؟
كل شوي يناظر في ساعته الروليكس
وما صدق انه سمع صوت الراعي يذن الفجر طمر من محلّه وراح يدور عند الشبك
ويطقق خفوفه طبعا ماله اصابع ويروح ويجي لين طلع النور
وجاء الراعي وفتح لهم (( هو مصكوك عليه لانه صغير )) ولا الابل ما ينصك عليها
عاد ما صدق خبر وراح عند الوايت يحتريها تشرب
جاء الراعي وقاله :
خير ان شالله وش عندك وش جابك كل هذا ضما ؟
تلعثم الحاشي وقال :
هاه لا ابد مافيه شي بس طاح كبكي امس هنا وجيت أدوره
قال الراعي :
أقول بلا استهبال كبك وانت عليك ثوب ساده يالله ظف وجهك مع البعارين
لا اتوطى في بطنك
لّقّط وجهه الحاشي وقال : يمكن انه احسن لي .
لوني مقابلها بتقول وش ذا الخفيف ويمكن اطيح من عينها ولا تعطيني وجه .
المهم وهو يكلم نفسه الا هذي رفيقته تقابله يوم شهق من الفرحه .
وقال :
كفاني عذاب الله يجازيك بأفعالك *** جرحت الضمير ولا طرالك تداويني
ضحكت الناقه ذيك الضحكه اللي فقعت قلبه الضعيف
وقالت :
ياعل قلب ما شكى الحب والتاع *** تنهار من فوقه محاني ضلوعه
ياما نهيت القلب لاشك ما طاع *** ماطاع يدله والليالي تلوعه
أثر المولّع دمعته تجرح القاع *** والى ذكر ما فات هلت دموعه
الحين تأكد الحاشي انها تبادله نفس الشعور والله وانبسط واسفهل .
وكبر الحاشي وكبر حبهم لبعض وكانوا كل يوم يتقابلون ويتبادلون المشاعر والاحاسيس .
وفي يوم من الايام وهم قاعدين على ذاك الطعس الا يوم مرت ذيك الناقه
وطيّر عيونه خوينا الحاشي مشبه عليها مهوب قصده شي ثاني .
انتبهت خويته وطمرت من محلها وقالت :
خلها تنفعك الله يمليك بركتها .
انتبه خوينا أنه اخطأ ولحقها .
وقال :
وقفي اشرح لك الموضوع التفتت عليه وقالت :
مدام قلبي لك شفوق وميلاف *** وراك يا خلي قليل المروفه
دوك الدموع بحاجر العين وقّاف *** لا انت بماسكها ولا هي ذروفه
تحسف ابو الشباب ودرى انه غلطان ورد عليها وقال :
لك حق تزعل ثم لك حق نرضيك *** ما اقوى زعل حبيب قلبي وعيني
مدام قلبي يا اريش العين مغليك *** اطلب ولك روحي وما في يديني
يوم الله احسن صورتك خصني فيك *** فيك الجمال وصادق الحب فيني
وقفت وابتسمت وارتاح خاطرها والحاشي يتنهد وقال :
هاه طاح الحطب ؟
قالت :
آآآآآه ياااااااااااني لو كنت أأدر اسيبك <= نهيب عاقله فيفي عبده
وعاشوا مسرات وخلفوا حواشي وبكرات
وتوته توته خلصت الحتوته
صراحة منقول
السلام عليكم ورحمة الله وبركاته
كيفكم واخباركم ان شالله طيبين
هذي قصه حاشي مراهق
كان فيه حاشي مراهق ممشوق القوام ابيض اللون كثيف الوبر
يمشي متبختراً بجماله <= ولا تقول توم كروز
كل همه يتسدح بين هالنياق وينهبل لا شاف البكار<=طبعاً ماشال هم الهيئه
مرت الايام وهو على هالحال همه أكل وشرب وغزل في هالنياق
يوم جاء ذاك اليوم الا ذيك الناقه اللي تشق الجبهه من زينٍ فيها جايه تبي تشرب مويه وما قدرت
تشرب ((( من زود الدلع فيها ))) لان النياق واجد على المويه .
قال الحاشي هذي فرصتي وقام وفتح الحنفيه حقت الوايت (( البزبوزحق الوايت ))
وقال لها : اشربي لعن ابو الشقى ياشيخه
والله وشربت الناقه لين ارتوت ومسحت على شفايفها بمنديل عشان الروج لا يتلعوط
وقالت : الله يعطيك الف عافيه والله اني كنت شايله هم الخف حقي لان الكعب عالي شوي
واخاف ازلق في المويه
قال الحاشي :
على شانك تحملت الصعاب *** اذوق المر لأجل رضاك حالي
ابتسمت الناقه وصكته بذيك النظره اللي بغت تجيب اجله بها .
تنهد الحاشي وقال :
الله اكبر كيف يجرحن العيون *** كيف ما يبرى صويب العين ابد
احسب ان الرمش لاسلهم حنون *** واثر رمش العين ماياوي لاحد
يوم روّح لي نظر عينه بهون *** فزّ له قلبي وصفق وارتعد
ضحكت الناقه ودرت ان الضعيف راح في خرايطها معها
ديورت الناقه وعطته وراها ومشت على هونها وهي تومي بذيلها يمين ويسار
وقلب الحاشي وده يطلع من بين ضلوعه ويروح معها
قال الحاشي :
آآآآه وانعطف هاك الشعر فوق المتون *** وانثنى عوده وقفى وابتعد
طال الليل على خوينا الحاشي متى يجي الصبح ؟
كل شوي يناظر في ساعته الروليكس
وما صدق انه سمع صوت الراعي يذن الفجر طمر من محلّه وراح يدور عند الشبك
ويطقق خفوفه طبعا ماله اصابع ويروح ويجي لين طلع النور
وجاء الراعي وفتح لهم (( هو مصكوك عليه لانه صغير )) ولا الابل ما ينصك عليها
عاد ما صدق خبر وراح عند الوايت يحتريها تشرب
جاء الراعي وقاله :
خير ان شالله وش عندك وش جابك كل هذا ضما ؟
تلعثم الحاشي وقال :
هاه لا ابد مافيه شي بس طاح كبكي امس هنا وجيت أدوره
قال الراعي :
أقول بلا استهبال كبك وانت عليك ثوب ساده يالله ظف وجهك مع البعارين
لا اتوطى في بطنك
لّقّط وجهه الحاشي وقال : يمكن انه احسن لي .
لوني مقابلها بتقول وش ذا الخفيف ويمكن اطيح من عينها ولا تعطيني وجه .
المهم وهو يكلم نفسه الا هذي رفيقته تقابله يوم شهق من الفرحه .
وقال :
كفاني عذاب الله يجازيك بأفعالك *** جرحت الضمير ولا طرالك تداويني
ضحكت الناقه ذيك الضحكه اللي فقعت قلبه الضعيف
وقالت :
ياعل قلب ما شكى الحب والتاع *** تنهار من فوقه محاني ضلوعه
ياما نهيت القلب لاشك ما طاع *** ماطاع يدله والليالي تلوعه
أثر المولّع دمعته تجرح القاع *** والى ذكر ما فات هلت دموعه
الحين تأكد الحاشي انها تبادله نفس الشعور والله وانبسط واسفهل .
وكبر الحاشي وكبر حبهم لبعض وكانوا كل يوم يتقابلون ويتبادلون المشاعر والاحاسيس .
وفي يوم من الايام وهم قاعدين على ذاك الطعس الا يوم مرت ذيك الناقه
وطيّر عيونه خوينا الحاشي مشبه عليها مهوب قصده شي ثاني .
انتبهت خويته وطمرت من محلها وقالت :
خلها تنفعك الله يمليك بركتها .
انتبه خوينا أنه اخطأ ولحقها .
وقال :
وقفي اشرح لك الموضوع التفتت عليه وقالت :
مدام قلبي لك شفوق وميلاف *** وراك يا خلي قليل المروفه
دوك الدموع بحاجر العين وقّاف *** لا انت بماسكها ولا هي ذروفه
تحسف ابو الشباب ودرى انه غلطان ورد عليها وقال :
لك حق تزعل ثم لك حق نرضيك *** ما اقوى زعل حبيب قلبي وعيني
مدام قلبي يا اريش العين مغليك *** اطلب ولك روحي وما في يديني
يوم الله احسن صورتك خصني فيك *** فيك الجمال وصادق الحب فيني
وقفت وابتسمت وارتاح خاطرها والحاشي يتنهد وقال :
هاه طاح الحطب ؟
قالت :
آآآآآه ياااااااااااني لو كنت أأدر اسيبك <= نهيب عاقله فيفي عبده
وعاشوا مسرات وخلفوا حواشي وبكرات
وتوته توته خلصت الحتوته
صراحة منقول