احلى قصص هي اللي تكون عن الحب والعشق...
واحلى القصيد هو الغزلي...
واليوم جايب لكم قصه..عن شاعر صارت له هالقصه..وهالقصه من
وقت ماهو بعيد وجرت على الشاعرنمر بن صنت العتيبي
من منسوبي امارة منطقة نجران والذي أخذ حوالي تسع
سنوات وهو يلتمس الموافقة على زواجة من فتاة عندهم
بالجاه واخذ يحاول مع أهلها بالمعروف جاب لهم جاهه من ضمنهم
الأمير خالد السديري رحمة الله عليه الذي بذل كل جهده
وأخيراً وافقوا أهل البنت وتزوج نمر عليها بسنه الله ورسولة
وهي أم أولاده حيث عاش نمر معها حياة سعيدة وأنجبت منه
أولاد أفاضل . وقد قال فيها أكثر من مائة قصيدة<<<< --- من قدها ياولد
ومنها عندما كان يتمنى أن الأمير خالد بن أحمد السديري
يتوسط له عند أهلها وعند أبن عمها
ويخلصها لنمر...يقول:
يانجمة الصبح كبدي منك مرهوقة
لاشع نـورك علينـا لا تغيبينـي
ستاير القلب من فرقـاك مفتوقـة
اصبر من العام لين انك ذبحتينـي
الود لو نتركـه عنـا وطاروقـة
اظني ارتاح وانتـي تستريحينـي
لبيك ياللي تجر القلـب وعروقـة
كله على شان يوم انـك تلبينـي
تلحني لح ركب عجلـوا سوقـة
أوجـل ذود مسريهـن شيابينـي
عديت عن مبسم المجمول لا اذوقة
انا بلاي الحيا وادرى على دينـي
ياقلب ياللي من الجازي دنا عوقة
ياناس اشيروا عليها لا تقاصيني
وان كان قلبي تليش عنه صندوقة
شدوه لين اتجـود فيـه بيدينـي
قالوا معاليق قلبك منه مسروقـة
قلنا خذتها الضحا والناس واعيني
ياليت ربي ومر خالد على شوقـة
يفك حبله ولـو يعطـى ملايينـي
الأوله ليت أبو خلي من الروقـة
والثانية ليت ابوي من القحاطيني
يالله ياخالـق الدنيـا لمخلوقـة
تقدر على الموت تذبحني وتحييني
تلم شملي لابد الـروح مرفوقـة
باربع هناديس في قبري تخاويني
[bdr][/bdr]
انشاء الله القصه والقصايد عجبتكم...
قصة الشاعر نمر بن صنت وحبيبته المحجره
العرض العادي
